- Турските медиуми пишуваат, а порталот од БиХ репрезентација.ба пренесува дека 39-годишниот ветеран Един Џеко го напуштил на кратко собирот на репрезентацијата со цел да отпатува во Италија и да потпише договор со нов клуб.
- Џеко во новата сезона ќе игра во Комо, најголемото изненадување минатата сезона во италијанскиот фудбал. Комо од клупата го води некогашниот играч на Барселона и Арсенал, Францеск Сеск Фабрегас кој изразил желба да го види Џеко во нападот.
- Комо ќе го има еден од најголемите буџети во Италија летово (со оглед на тоа што ги има најбогатите газди во Серија А) и се очекува екипата да направи силен состав спремен за прв историски излез во еврокупови.
- Во својот четврти настап на ЕП, во категоријата “10ка” и во неверојатно квалитетна конкуренција на повеќе од 70 натпреварувачи од скоро сите европски земји, Македонија може да се пофали со бронзен медал.
- Го освои Андреј Ѓурчиновски на младинското Европското првенство во билјард, во Подчетртек, Словенија.
- 15 годишниот Ѓурчиновски, кој е член на БСК Гранклуб, е играч кој пред пет години го прифати предизвикот, на посветеност, спортски пристап и секојдневни и повеќечасовни тренинзи, со правилна техничка надоградба и надзор, со безброј турнири.
- Тој оствари 6 победи, а единствениот пораз го имаше во полуфиналето против Макс Бенко од Словенија (6:1). Вториот наш претставник беше Илија Димовски.
Фото: Epa Images
- Италијанскиот шампион не се шегува. Наполи прво по освоеното шампионско скудето седна на маса и се договори со тренерот Конте. Неколку дена траеа преговорите со строгиот газда Аурелио Де Лаурентис кој ветил дека ќе му ги исполни сите желби. И веќе му ги исполнува.
- Наполи летово ги донесе сјајниот Кевин Де Брујне, одличниот крилен напаѓач на ПСВ Ајндховен и белгиската репрезентација Ноа Ланг (25 милиони евра), стоперот Сам Беукема (Холанѓанец од Болоња за 31 милион евра плус 3 милиони евра од евентуални бонуси) и високиот шпиц на Удинезе Лоренцо Лука (позајмица со право на откуп за околу 35 милиони евра вклучително со бонуси).
- Лоренцо Лука е висок 2.01 метар и важи за највисок центарфор во Серија А. И покрај висината, го краси одлична техника со топка. Досега во прва лига има дадено 20 гола со 6 асистенции на 70 меча а има и 5 настапи за Италија. Ќе биде топ играч за нападот со Ромелу Лукаку.
- Наполи крена раце од Дарвин Нуњез за кого нудеа 50 а Ливерпул барал астрономски 70 милиони евра.
