- Најдобриот ирански фудбалер во изминатите години, центарфорот на Олимпијакос Мехди Тареми побарал од грчкиот клуб да го ослободи и рекол дека сака да оди дома во Иран со зборовите: „Ѝ требам на мојата земја“.
- 33-годишниот Тареми блескаше во дресот на Порто каде од 2020 до 2024 постигна 64 гола на 122 натпревари. Играше уште и за Интер со кого настапи во финале на Лига на шампиони, а во кариерата ги бранеше и боите на иранските клубови Шахин Бушер, Иранџаван, Персеполис. Беше во Ал Гарафа и во Рио Аве а од 2025-та е во Олимпијакос.
- За Иран има 56 погодоци на 101 натпревар.
- Според разни веб-страници за следење на летови, во раните утрински часови на 2 март, приватниот авион на Роналдо слетал од Ријад во Мадрид среде ескалација на нападите во Иран.
- Сè уште не е познато дали само Роналдо или и неговата партнерка, Џорџина Родригез, биле на летот од лични или работни причини.
- Според пишувањата на Марка, растечките тензии на Блискиот Исток можеби ги натерале да го напуштат Ријад, каде што Роналдо моментално игра во дресот на Ал Наср.
- Португалецот има луксузен авион Bombardier Global Express XRS со иницијалите „CR7“, вреден десетици милиони евра, со капацитет од 19 лица и направен за долги летови од еден во друг континент, без запирање.
- Некогашниот предводник на трофејниот Челси Израелецот Аврам Грант ја посети Струмица каде што ќе го следи натпреварот меѓу Брера Струмица и Струга во рамки на Првата македонска фудбалска лига.
- Аврам Грант во текот на кариерата беше тренер на Макаби Тел Авив, Хапоел Хаифа, Челси, Портсмут, Вест Хем, белградски Партизан и други екипи.
- Грант е во посета на Струмица на лична иницијатива на Зоран Балдовалиев, некогашниот бисер на струмичкиот фудбал и македонски репрезентативец.
- „Оваа посета е уште една потврда за визијата, контактите и амбицијата што Зоки ги вложува во развојот на Брера Струмица. Да донесеш светско фудбалско име во нашиот град значи работа, почит и јасна цел – раст на клубот на сите нивоа“, стои во соопштение од клубот.
