- Ѓоргиев го освои златото на Светското првенство во кик бокс, во категорија лоу кик до 81 килограми.
- Доминацијата на шампионат во Италија, ја потврди во финалето против Никола Дробњак од Босна и Херцеговина кој го совлада со 3:0.
- Златното момче од Неготино има вкупно 9 медали од кои 4 златни на Светските првенства.
- На местото на запуштените терени кај поранешниот дом на АРМ, Кичево доби нов современ спортски комплекс кој опфаќа: терен за фудбал и ракомет со полипропиленски под (ПП) и со 30-метарска трибина, одбојкарско игралиште со ПП под, кошаркарско игралиште со подлога по најсовремени стандарди и фитнес зона опремена со реквизити, соопштуваат од надлежното министерство.
- Министерството за спорт вложило 6.960.000 денари во обнова и реконструкција на овој спортски комплекс.
- Колумбиецот Луис Диаз и официјално е нов фудбалер на Баерн Минхен. Потпиша договор до 2029-та година со неверојатна годишна плата од 14 милиони евра (верувале или не во Ливерпул заработувал 3,3 милиони евра, помалку од Костас Цимикас и Конор Бредли), а го земал и бројот 14 на дресот.
- За 28-годишниот крилен напаѓач Ливерпул добива 70 милиони евра плус 5 милиони евра бонуси. Ова е трета најскапа продажба во историјата на англискиот шампион (повеќе земаа само за Филипе Кутињо и Луис Суарез) и трет најскап трансфер во историјата на Баерн Минхен (повеќе платија само за Хари Кејн и Лук Ернандез).
