Offside › Набрзинка

Дибиров: Во Скопје бев мегаѕвезда, живеев како во Холивуд, во Загреб ретко ме препознаваат

20 јануари 2024

„Поради специфичните околности што не следеа, како проблемите со финансиите и играњето без плата, повеќе ја преферирам втората европска титула со Вардар. Тоа беше бајка. Како се одвиваше сето тоа, каков тим беше, неописливата хемија меѓу играчите, навивачите, управата на клубот... Ќе го паметам цел живот“.
„Еден мој пријател го праша мојот поранешен тренер од Вардар, Раул Гонзалес како е во Скопје, а тој одговори со еден збор - Холивуд. И навистина беше така. Тоа беше Холивуд по сите параметри. Се чувствувавме како да сме фудбалски или НБА ѕвезди“.
„Сè е поинаку во Загреб. Скопје е специфичен град, има огромна љубов кон ракометот. Секое кафуле, секое училиште, секоја бензинска пумпа, некој ќе ве препознае насекаде. Но, во повеќето главни градови, не само во Загреб, има многу луѓе и многу различни интереси. Не сите следат спорт, не сите следат ракомет. Во Загреб пред неколку години луѓето го изгубија интересот за ракометот“.
„Не е тајна. Разговарав со водечките луѓе на македонскиот ракомет. Сакаа да ѝ помогнам на нивната репрезентација. Им кажав исто како што ви кажувам сега - Скопје и Македонија се мојот втор дом и среќен сум секогаш кога можам да им помогнам, но во животот има само една мајка. Им благодарам за таа понуда, разбирам дека сакаа да ме имаат во тимот, но ја сакам мојата земја и посебно е чувството да играм за мојата земја. Барем јас така мислам, јас сум голем патриот“, вели Тимур Дибиров во интервју за Индекс.

извор

Почнува продажбата на билети за Македонија - Словенија

30 октомври 2026

Фудбалската федерација на Македонија (ФФМ) соопшти дека продажбата на влезниците за натпреварот Македонија – Словенија ќе почне во понеделник, на 2 ноември.
Натпреварот се игра во рамки на петтото коло од групата Б во Лигата на нации, а цената ќе изнесува 500 денари.
„Влезниците ќе можат да се набават исклучиво преку официјалната платформа за електронска продажба на билети на ФФМ: eticket.ffm.mk“, информира ФФМ.
Македонија по четири одиграни меча има 0 бодови, додека Словенија е втора во групата со седум поени и големи шанси да оди понатаму во осминафинале од Лига на Нации.
Натпреварот се игра на 16 ноември од 20.45 часот на Националната арена „Тодор Проески“ во Скопје.

извор

Десет „Златни топки“ гостувале во Македонија, ги знаете ли кои се?

29 октомври 2026

Хари Кејн е најновата „Златна топка“ во светскиот фудбал, а со тоа кога ќе ја согледаме историјата, тој стана десеттиот играч кој ја освоил оваа престижна награда, а љубителите на фудбалот имале шанса да го гледаат на терените во нашата земја.
Центарфорот беше гостин во Македонија со екипата на Тотенхем кога играше против Шкендија, како и со репрезентацијата на Англија. Од 1991 па наваму, од осамостојувањето на Македонија, уште девет играчи биле тука.
Тоа се Кристијано Роналдо со У21-тимот на Португалија, Павел Недвед со Чешка, Андреј Шевченко со Украина, Лука Модриќ со Хрватска и Реал Мадрид, Карим Бензема со Реал Мадрид, Мајкл Овен со Англија, тие се како играчи, а како тренери тука биле Зинедин Зидан со Реал Мадрид, Христо Стоичков со Бугарија и Марко ван Бастен со Холандија.
Од Македонија само еден фудбалер конкурирал за „Златната топка“. Тоа е Дарко Панчев, кој во историската сезона со Црвена Звезда во 1991 година дојде до „Сребрената топка“, односно второто место.
Од останатите, Родри и Усман Дембеле имаат играно против Македонија, но во У21-тимовите, надвор од нашите граници.

извор