- Во подкастот на Фудбалската федерација на Македонија воден од харизматичниот водител Златко Андоновски, македонскиот фудбалски репрезентативец Дарко Велковски раскажа за почетоците и текот на неговата богата кариера. Освојуваше титули и трофеи каде и да играше.
- На 16 години ја воодушеви македонската фудбалска јавност кога настапи за Работнички против Лацио. Карпошкото дете Дарко Велковски своите први фудбалски чекори ги направил во Македонија Ѓорче Петров, продолжил во Работнички кај тренерот Горан Петрески-Чунга Лунга а потоа продолжи во Вардар, Ријека, Ал-Етихак, Динамо Букурешт, Зрињски Мостар...
- Тој е еден од ретките кој играл и младинско Европско првенство и сениорско со Македонија.
- Сега на 31 година е во Вардар со кого ја освои шампионската титула сезонава 2025/2026.
- Легендарниот хрватски селектор Златко Далиќ дал оставка и заминува од репрезентацијата која што ја водеше од 2017-та година. Хрватска го заврши настапот на Светско првнество во 1/16 финале после поразот од Португалија 2-1 во регуларно време.
- Ова беше прво Светско на кое Далиќ ја водеше Хрватска а да се врати без медал. Претходно освојуваше сребро во Русија во 2018-та и бронзен медал во Катар во 2022.
- „Скромно доаѓање. Незабореван пат. Гордо збогување. После скоро девет години селекторот Златко Далиќ реши да ја заврши својата неверојатно успешна кариера на клупата на „ватрените“. Селекторе фала за се - за победите, за успесите, за пласманите, за медалите, за заедништвото, за почитта и решавачката борба за Хрватска на теренот и надвор од него. Резултатите говорат каков тренери, а почитта од играчите, соработниците и противниците за тоа каква личност си“, стои во соопштението на Хрватскиот фудбалски сојуз.
- Вардарци го загубија првото квалификациско коло од Лигата на шампионите против фински КуПС со 0:2.
- „Само 3.512 гледачи се собраа на најголемиот стадион во Македонија, што е навистина разочарувачка бројка за европски натпревар од ова значење. Особено кога знаете каква историја има Вардар и колку многу значеше овој клуб за генерации навивачи. Во минатото, името Вардар беше синоним за полни трибини, одлична атмосфера и голема поддршка од сите страни, додека денес сликата изгледа сосема поинаква“, пишува босанскиот спортски портал „Спортспорт“ и дополнува:
- „Проблемот со малата посетеност беше дискутиран и во деновите пред натпреварот. Бројни навивачи, како и луѓе блиски до клубот, предупредија дека со години е вложено премалку труд за поврзување со публиката. Вардар има богата традиција и големо име, но тоа веќе не е доволно за да привлече илјадници луѓе на стадионот. Модерниот фудбал одамна е повеќе од само 90 минути игра. Клубовите денес инвестираат огромни ресурси во маркетинг, промоција, социјални мрежи, фан зони, продажба на клупски реквизити и разни содржини што им нудат на навивачите целосно искуство пред, за време и по натпреварот“.
