- Во пресрет на мечот КК Задар - КК Црвена Звезда во рамки од јадранската лига, група маскирани хулигани од Задар во два напади претепала членови на делегацијата на белградскиот клуб и двајца новинари од Белград.
- Три лица се потешко повредени и префрлени во задарскиот клинички центар. Според пишувањата на хрватските медиуми, нападот бил организиран и спреман а во негова реализација наводно учествувал и таксист кој практично ги наместил патниците во два наврати.
- КК Црвена Звезда се огласи со итно соопштение и побара мечот да се игра без присуство на публика. Ова е еден од ретките инциденти во АБА лигата каде веќе со години без поголеми ексецеси играат клубови од регионов.
- Алиоски е нов член на Лугано, тимот за кој настапуваше пред 8 години. Потпиша двегодишен договор со важност до 30 јуни 2027 година, со опција за продолжување на соработката и по истекот на договорот.
- Македонскиот репрезентативец има 53 настапи и 19 гола за Лугано каде играше во периодот 2015-2017 и од каде го направи трансферот во Лидс Јунајтед.
- „Неговите технички квалитети и харизмата го прават вистински лидер, како што покажа и со своето клучно учество во освојувањето на азиската Лига на шампиони со Ал-Ахли. По незаборавните моменти од неговиот прв престој во Лугано, горди сме што започнуваме ново поглавје заедно“, изјави Себастијан Пелцер, спортскиот директор на Лугано.
- Новото раководство на КФМ покрена иницијатива за промена на името на оваа организација.
- Куќата на кошарката сака да ја елиминира додавката „Северна“ и да не се вика повеќе Кошаркарска федерација на Северна Македонија.
- Како нови можни имиња е враќање на стариот назив Македонската кошаркарска федерација (МКФ), кое беше во употреба пред спорната одлука донесена пред шест години, што предизвика многу реакции.
