- По три одиграни кола во Конференциска лига на УЕФА, трето по ранг натпреварување во Европа, шест клуба имаат максимални 9 бода. Челси синоќа оствари најубедлив историски триумф откако со 8:0 ја победи ерменска Ноа.
- Челси во три кола постигна 16 погодоци (гол разлика 16:3) и по тоа е убедливо најдобар во Конференциска лига каде играат претежно скромни, подпросечни клубови од европските лиги.
- Челси синоќа имаше 6-0 уште по првиот дел против клубот Ноа од Ерменија а во вториот дел уште два гола даде Нкунку од кои едниот од слободен удар.
- Некогашниот европски првак со РК Вардар 1961, шпанскиот стратег Раул Гонзалес потпишал четиригодишен договор со Ракометниот сојуз на Србија. Договорот му важи до крајот на олимпискиот циклус во Лос Анџелес 2026. Ќе почне од март месец следната 2025-та и се планира да направи голем рез.
- Раул Гонзалес и РСС брзо се договориле а неделниот сензационален пораз на Србија од Италија (прв во историјата во ракомет) била причина челните луѓе во српскиот ракомет само да ги забрзаат преговорите со Раул.
- Раул, омилен меѓу вардаровите навивачи, како играч во 1996 освои бронза со репрезентацијата на Шпанија, а подоцна со Вардар во 2017-та го направи најголемиот успех во тренерската кариера и освои Лига на шампиони. Шпанецот од 2018-та го води ПСЖ со кого освен домашни трофеи (првенство и Куп) нема поголеми успеси на меѓународна сцена.
- Капитенот на Македонија доби непријатни вести додека се подготвува за последните два дуели од Лига на нации против Летонија и Фарски Острови.
- Тој, заедно со уште тројца фудбалери на Трабзонспор се исфрлени од првиот тим и во следниот период ќе тренираат одвоено.
- „Како резултат на денешниот состанок меѓу претседателот Ертугрул Доган, потпретседателот Зејат Кафкас и тренерот Шенол Ѓунеш, одлучено е нашите фудбалери Мислав Оршиќ, Стефано Денсвил, Енис Барди и Умут Бозок да тренираат одвоено за да ги подобрат своите перформанси“, пишува во соопштението од клубот.
- Барди е член на Трабзонспор од 2022 година, а сезонава забележа вкупно 13 настапи во сите натпреварувања и постигна само еден гол и тоа во дербито против Бешикташ.
