- Сјајната македонска таеквондистка, членка на ТК Тигри од Скопје, Милијана Рељиќ (20) продолжи да блеска на меѓународните турнири.
- По среброто освоени во Сараево на Балкан Г1-Купот на крајот од ноември годинава, Рељиќ изминатиов викенд на Европско првенство за таеквондисти до 21 година кое се одржа во Букурешт освои бронзен медал. Рељиќ имаше прекрасна година откако освои и златен медал на турнирот Скопје Г1 Рамус опен, освои сребро во силна конкуренција на турнирот Талин Г1 опен, бронза на клупското Европско првенство во Софија и бронза на Г2 опен во Анкара.
- Натпреварувачката година полека изминува, сепак за Рељиќ и за тренерот Александар Ефтимов нема одмор. Квалификациите во март во Софија, каде што две кандидатки од Европа ќе изборат директна норма за Летните олимписки игри (ЛОИ) во Париз, останува главната цел за идната година.
- Новак Ѓоковиќ објави дека негов нов тренер кој ќе го спрема за Австралија Опен и за некои други турнири е неговиот добар другар од детство и долгогодишен ривал на тениските терени Енди Мареј.
- Легендарниот шкотски тенисер ја заврши својата богата кариера на Олимписките Игри во Париз а сега ќе заплива во тренерски води и ќе соработува со Новак Ѓоковиќ.
- Србинот и Мареј во кариерата одиграа 36 меѓусебни дуели. Ѓоковиќ славеше на 25 меча а 11 пати подобар беше Мареј. Енди во кариерата освои две титули на Вимблдон и една на УС Опен а има и две олимписки злата кои ги освои во 2012 и 2016.
- „Возбуден сум што еден од моите најголеми ривали ќе биде со мене од иста страна на мрежата, овојпат како мој тренер. Се радувам што сезоната ќе ја започнам заедно со Енди и што ќе биде со мене баш во Мелбурн каде делевме многу исклучителни моменти во кариерата“, изјави Новак Ѓоковиќ.
- Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
- УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
- Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.
