Offside › Набрзинка

Бронзен медал за Милијана Рељиќ на ЕП 2023 за млади

12 декември 2023

Сјајната македонска таеквондистка, членка на ТК Тигри од Скопје, Милијана Рељиќ (20) продолжи да блеска на меѓународните турнири.
По среброто освоени во Сараево на Балкан Г1-Купот на крајот од ноември годинава, Рељиќ изминатиов викенд на Европско првенство за таеквондисти до 21 година кое се одржа во Букурешт освои бронзен медал. Рељиќ имаше прекрасна година откако освои и златен медал на турнирот Скопје Г1 Рамус опен, освои сребро во силна конкуренција на турнирот Талин Г1 опен, бронза на клупското Европско првенство во Софија и бронза на Г2 опен во Анкара.
Натпреварувачката година полека изминува, сепак за Рељиќ и за тренерот Александар Ефтимов нема одмор. Квалификациите во март во Софија, каде што две кандидатки од Европа ќе изборат директна норма за Летните олимписки игри (ЛОИ) во Париз, останува главната цел за идната година.

извор

Јован Манев е нов играч на Ријека

11 февруари 2025

Македонскиот репрезентативец им се приклучува на нашинците во хрватското трио (Динамо Загреб - Стефан Ристовски и Аријан Адеми), (Хајдук - Александар Трајковски).
24 годишниот стопер практично прави кам бек во Хрватска, бидејќи претходно беше на позајмица во Осијек, а договорот со Ријека му е до 2027-ма.
Јован Манев кариерата ја почна во Осогово во 2017-та, а потоа играше за Брегалница Штип и Адана Демирспор. Има 10 настапи и еден гол за Македонија.

извор

Како се распределени субвенциите во спортот за 2025-та?

11 февруари 2025

Утврдено е дека како средства ќе бидат распределени 440 милиони денари, преку Министерството за спорт или 7,15 милиони евра.
Најголемиот дел од парите (82,7%) или 363 милиони денари ќе одат кај активните спортски клубови.
За националните спортски федерации ќе бидат наменети 13% од парите или 57 милиони денари.
Помошта за активни спортисти од индивидуалните спортови ќе изнесува 10 милиони денари.

извор