Offside › Набрзинка

Борусија Дортмунд има нов тренер

31 јануари 2025

Еден од најголемите европски клубови, Борусија Дортмунд игра очајна сезона и има голема резултатска криза. Минатата сезона стигнаа дури до финале на Лига на шампиони, а сезонава во моментов се на 10. место во германската Бундеслига со речиси мизерни шанси за пласман во некој еврокуп за следната сезона.
Борусија Дортмунд го отпушти тренерот Нури Сахин кого на кратко го замени Мајк Тулберг кој ја водеше екипата против Вердер (2:2) и во триумфот 3:1 над Шатхор Доњецк во Лига на шампиони.
За нов тренер на Борусија Дортмунд денес е назначен хрватскиот тренер Нико Ковач кој играше за Баерн Минхен а потоа и водеше како тренер неколку германски бундеслигаши. Спортскиот директор Ларс Рикен денес соопштил дека Ковач од недела ќе ја преземе екипата.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.

View this post on Instagram

A post shared by FIBA Basketball World Cup (@fibawc)

27 ноември 2025

По бурните реакции на навивачите кои не можеа да се помират со оставката на најтрофејниот европски кошаркарски тренер Обрадовиќ, извршниот и управниот одбор на Партизан решил да му пружи апсолутна поддршка на својот тренер да ја продолжи мисијата и му ја одбила оставката.
На предлог на претседателот на клубот Остоја Мијаиловиќ, едногласно е одбиена оставката на Обрадовиќ и клубот соопшти дека тој ужива нивна целосна доверба.