Offside › Набрзинка

Барселона здивна, конечно го регистрираа Дани Олмо

9 јануари 2025

Многу контроверзи предизвика случајот на Дани Олмо, европскиот шампион со Шпанија кого Барселона го доведе минатото лето во скап трансфер но успеа да го регистрира само за првата полусезона.
Поради финансиски блокади и други неисполнети критериуми, управата на Барселона не можеше да го регистрира Олмо но сега шпанскиот Врховен спортски совет пресудил во корист на Барса и дозволил привремена регистрација на Дани Олмо и Пау Виктор.
Ова е изненадувачка одлука, затоа што претходно Ла Лига, два одделни суда и Фудбалскиот сојуз на Шпанија се држеа стриктно до правилникот и одбиваа регистрација на овие двајца играчи. Сега, вели претседателот на Атлетик Билбао „се прави преседан кој би можел многу да го чини шпанскиот фудбал“.

извор

Се разделија Нагелсман и ДФБ, Германија ќе ја води познат шмекер

3 јули 2026

По новиот дебакл на германската фудбалска репрезентација која после два Мундијали на кои испаѓаше во групи сега се посрамоти и во 1/16 финале испадна од Парагвај, очекувано селекторот Нагелсман си оди.
Германскиот фудбалски сојуз (DFB) во состав претседател Бернд Нојндорф (64), шефот на Бундеслига Јоаким Вацке (67), спортскиот директор Руди Фелер (66) и генералниот секретар на Федерацијата Андреас Ретиг (63) објави дека го раскинува договорот со 38-годишниот тренер кој беше селектор од септември 2023-та. Под негово водство Германија стигна до 1/4 финале на Евро 2024 и испадна од Светско 2026 во 1/16 финале.
Германската фудбалска федерација на барање на целокупната тамошна јавност почнува преговори со Јирген Клоп (59) кој би требал да стане нов селектор на Националмајншафт.
„Неколку дена по нашето испаѓање, многу размислував и се советував со луѓето од доверба, како лично така и во федерацијата. Оваа одлука не беше лесна за мене. Мој главен приоритет секогаш бил успех на репрезентацијата. После такво горко разочарување, тие заслужуваат шанса да почнат се од почеток. Сакам да му се заблагодарам на својот стручен штаб и сите во федерацијата кои не поддржуваа нас, посебно играчите со кои имав чест да работам.

Посебна благодарност и до навивачите. Вие не поддржувавте, верувавте во нас, ни дававте енергија во тешки времиња. Искрено ми е жал што ве разочаравме и не ви подаривме незаборавни фудбалски ноќи на ова Светско првенство. Вие заслужувате повеќе“, рекол Нагелсман по разделбата со федерацијата.

извор

Матановиќ: Почувствував мал допир со топката по коса

3 јули 2026

Со влезот во второ полувреме, Игор Матановиќ ја освежи играта на хрватската фудбалска репрезентација против Португалија, но на крајот, токму неговиот минимален допир со топката во 13-та минута од судиското продолжение беше причината голот на Гвардиола да биде поништен.
Што се случи во таа последна ситуација од натпреварот? Дали ја допревте топката? Што рече судијата?
„Искрено, мислам дека почувствував мал допир со топката на косата, а потоа го прашав судијата што е тоа. Не бев 100% сигурен дали ја допрев. Тој рече нешто како да имале чип во топката и дека виделе дека имало контакт, а потоа било офсајд и тоа е тоа.