Offside › Набрзинка

Барса си најде голман, топ замена за Тер Штеген

26 септември 2024

Фото: epaimages

Триесет и четири годишниот полски голман Војчех Шчесни на крајот од август објави дека се повлекува од активното играње фудбал и дека оди во пензија. Оваа одлука беше несфатлива за многу навивачи на Јувентус ако се знае дека токму Полјакот беше еден од најдобрите во тимот во изминатите години.
Јувентус го доведе 25-годишниот голман на Монца Микеле Ди Грегорио, тука одамна е и резервниот голман Матија Перин па Шчесни реши да се повлече. Го поврзуваа со Саудиска Арабија но на крај тој соопшти дека сака малку да ужива со семејството.
Во меѓувреме се повреди првиот голман на Барселона Андре тер Штеген којшто ќе отсустува до крајот на сезоната. Барса веќе ги регистрира сите играчи за Лига на шампиони до јануари, а за домашните натпреварувања ќе може да смета на нов голман кој би дошол како слободен агент. Изборот паднал токму на Шчесни кој се очекува да се врати меѓу стативите затоа што повик од таков гигант доаѓа еднаш во живот.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор