- Светскиот гигант Баерн Минхен на својот сајт официјално соопшти дека нивниот универзалец Алфонсо Дејвис кој доживеал повреда со скинати лигаменти на мечот за Канада против САД, прилично неважен натпревар за трето место на КОНКАКАФ Лига Нации кој ретко кој го гледал, ќе го пропушти сигурно остатокот од сезоната.
- Дејвис има скинати лигаменти на десното колено и 24-годишниот лев офанзивен бек ќе паузира неколку месеци.
- На стандардниот стопер Дајо Упамекано му било исто дијагностицирана тешка повреда во левото колено и тој ќе паузира неколку недели а можеби и месеци. „За жал секогаш има ризик играч да се врати повреден од репрезентативниот период - овојпат ние сме погодени посебно силно. Отсуството на Алфонсо Дејвис и Дајо Упамекано е многу тежок удар за Баерн. Ќе мора да се држиме уште поблизу заедно. Фонзи (Алфонсо) ќе ја добие поддршката што му треба на патот до опоравокот“, рекол спортскиот директор на Баерн Макс Ебрл.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
