Offside › Набрзинка

Англија си лапна 5 места во Лига на шампиони

9 април 2025

Англиската Премиер лига конечно ја оствари желбата да има пет претставници во Лига на шампиони од следната сезона откако обезбеди уште едно дополнително место благодарние на одличните настапи на англиските клубови ширум Европа сезонава.
Англија е на прво место на табелата на која се гледаат бодовите освоени по добрите настапи и резултати во трите најпознати еврокупови: ЛШ, ЛЕ и ЛК.
Во прилог на Англичаните им одеше и тоа што италијанските клубови имаа мизерни резултати (со исклучок на сјајниот Интер) и испаѓаа уште во осминафинале од сите три купови. Англија ќе има 5 место во Лига на шампиони а за позиција која води во ЛШ конкурираат Челси кој е четврти со (53 бода), Њукасл Јунајтед (петти, 53 бода и меч помалку против Кристал Палас), Манчестер Сити (52), Астон Вила (51), Фулам (48) и Брајтон (47 бода).

7 јули 2025

Легендарниот фудбалер на Црвена звезда и Милан, повеќекратен европски шампион, Дејан Савиќевиќ кој е претседател на фудбалскиот сојуз на Црна Гора, се соочил со очекувана казна за прекршоците кои ги направил во сообраќај.
Савиќевиќ во неделата во Херцег Нови возел брзо и одбил алко-тест кога полициска патрола го сопрела неговото возило. Сега судија за прекршоци му изрекол казна со одземање возачка дозвола на 4 месеци и парична казна од 1.000 евра.

7 јули 2025

Концертот на озлогласениот хрватски пејач близок до усташката идеологија чии настапи претходните години беа забранувани во Германија, Швајцарија и Австрија, во саботата одржа масовен концерт на Хиподром во Загреб.
Организаторите соопштија дела 504.000 присутни лица на концертот поставиле нов светски рекорд. На истиот присуствувал и познатиот трофеен голман Филип Ивиќ, хрватски репрезентативец. Поради ова неговиот клуб РК Војводина каде потпишал пре само три недели, му го раскинал договорот.