Offside › Набрзинка

Анчелоти: Модриќ е дар за фудбалот, имав еден таков во Милан

24 февруари 2025

„Модриќ е дар за фудбалот. Тој треба да продолжи да игра додека сака. Тоа што го прави е многу добро. Имавме среќа што имаме легенда со нас. Фудбалот е подарок за неговата сериозност, квалитет и професионализам.
Имав уште еден играч кој имаше 40 години, тоа беше Малдини. Тие двајца може да се споредат во однос на тоа каков треба да биде еден фудбалер. Тие се фантастични примери. Не случајно достигнаа 40 години.
Генетиката е важна, но и посветеноста и ставот...", вели стратегот на Реал Мадрид.

Не го оставајте доктор Лука Модриќ сам

извор

Рекордни 1,1 милијарда денари за спорт во 2025

24 февруари 2025

Буџетот за спорт во 2025 година ќе изнесува 1,1 милијарди денари, што претставува двојно зголемување во споредба со минатата година и повеќе од тројно во однос на 2019 година, најави министерката за финансии, Гордана Димитриеска-Кочовска
За сега не се познати детали колку и по кои ритериуми ќе се делат по федерации, клубови и индивидуални спортисти.
Министерот за спорт, Борко Ристовски, на панел дискусија потенцира дека ракометот е избран за спорт број 1 во државата и дека поради тоа ќе добие најголема поддршка.

извор

Начевски: Мора да сме реални, странските играчи ни се неопходни

24 февруари 2025

„Јас сум голем критичар на странско, но треба да сме и реални, колку имаме квалитетни македонски играчи? За да не зависиме од странци, бидејќи сме лимитирани со наши играчи, потребно е едуцирање на македонски тренери и „вадење“ македонски ракометари. Исто така и стратегијата на клубовите е важна, дали ќе се прави тим за иднина, или за евентуален моментален успех. И ние како судии наидуваме на многу пречки и проблеми. Според успеси сме спорт број 1, но според услови, инфраструктура, финансиски проблеми на клубовите, инвестициите, не сме“, рече Начевски на денешната панел-дискусија „Ракометот спорт број 1?“
На панел-дискусијата зборуваа претставници на неколку македонски клубови.
Обраќање на панел-дискусијата имаше и министерот за спорт, Борко Ристовски, кој рече дека ракометот е избран за спорт број еден во државата и дека поради тоа ќе добие најголема поддршка.

извор