- Кајл Андерсон роден во САД ќе ја претставува Кина на Мундијалот во кошарка кој стартува за еден месец во Јапонија, Индонезија и Филипини.
- 29 годишниот бек на Минесота ќе се вика Ли Кајер, а кинеско државјанство ќе добие затоа што има потекло од неговиот прадедо по мајка.
- Андерсон е прв натурализиран кошаркар во Кина, а СиЕнЕн пишува дека е нејасно дали ќе мора да се откаже од американскиот пасош. Кина не признава двојно државјанство.
- Инаку Кинезите се во група со Србија, Јужен Судан и Порторико, а селектор им е Александар Ѓорѓевиќ.
Фото: Epa Images
- Раководството на Интер откако се раздели со Симоне Инзаги кој заминува за годишна плата од страшни 25 милиони евра во клубот Ал Хилал во Саудиска Арабија, сега е во потрага по негов наследник.
- Најголема желба им беше Сеск Фабрегас кој имаше одлична сезона со скромниот Комо. Но газдата на овој клуб кој важи за еден од најбогатите луѓе на светот не сакал да слушне за заминување на Шпанецот и директно им јавиле на Интер дека не го даваат.
- Во меѓувреме нераѕурите се вртат кон нивниот некогашен играч Кристијан Киву кој сезонава ја водеше Парма. Киву беше дел од шампионската генерација предводена од Жозе Мурињо која освои историска триплета.
- Легендарниот италијански тренер Ариго Саки, архитект на славниот Милан кој жареше и палеше ширум Европа во '80-те и '90-те години, кажал отворено свој став за новата идеја на Милан - трансфер на Лука Модриќ.
- 40-годишниот Хрват заврши со Реал Мадрид каде му истече договорот а росонерите сакаат да го доведат во своите редови и тоа за 3,5 милиони евра годишно.
- „Милан, внимавај со Модриќ. Тој има 40 години и најмногу што може е да биде играч кој влегува од клупа. Модриќ не треба да се гледа како играч кој ќе додаде плус квалитет. Се надевам дека Макс Алегри го одобрил овој трансфер. Дали Милан прави право нешто со фокусот на Модриќ? Играч кој скоро ќе има 40 години и не бил стандарден играч на клубот последниве сезони?“, рекол Ариго Саки за Газета дело Спорт.
