Offside › Набрзинка

Александар Ставрев доби нов ангажман во УЕФА

14 април 2025

Најафирмираниот македонски судија Александар Ставрев, заедно со Дејан Јакимовски се двете имиња кои добија голема чест од УЕФА.
Се најдоа на најновата листа на контролори од страна на Европската куќа на фудбалот и највисоките натпревари во европскиот фудбал.
Тие ќе имаат курс следниот месец во Франција, па ќе добијат улога на интернационални контролори со мандат 2025 - 2027 година.

Интервјуто со Александар Ставрев за Офф.нет после последниот натпревар на Драгао во Порто.

извор

Црвена звезда добива старо-нов тренер, дете на клубот

18 декември 2025

Некогашниот фудбалер на Црвена звезда, Лацио и Интер, освојувач на Лига на шампиони со Жозе Мурињо и Горан Пандев, легендарниот Дејан Станковиќ наскоро ќе биде претставен како нов тренер на црвено-белите.
Станковиќ веќе ја водеше Звезда од декември 2019 до 2022-ра година, освои три шампионски титули, два Купа на Србија, играше во две групни фази на Лига Европа но два пати испадна во последното коло од квалификации за Лига на шампиони.
Станковиќ доаѓа на местото на Владан Милојевиќ на чие место дојде и тогаш пред шест години. Милојевиќ важи за најуспешниот тренер во историјата на клубот кој дури три пати го внесе во Лига на шампиони и три пати во Лига Европа. Сезонава Милојевиќ оствари три победи, една нерешена и два порази во Лига Европа и екипата е на праг од пласман во нокаут-фазата.
Дејан Станковиќ до неодамна беше тренер на Спартак Москва каде доби отказ по серијата топло-ладно настапи и големата бодовна разлика со врвот на табелата.

извор

УЕФА го репна Баерн Минхен 116.000 евра казна и затворање дел од стадион

18 декември 2025

Баварскиот клуб ја доби најтешката казна од УЕФА во нивната клупска историја откако од Нион соопштија дека го казнуваат германскиот гигант 116.000 евра и делумно затворање одредени делови од стадионот за првиот следен домашен натпревар од Лига на шампиони. Причина за ова е што на 9. декември на дуелот против Спортинг Лисабон навивачите на Баерн распалија стотици бакљи, огномети, петдарди. Следниот дуел на 21-ви јануари против белгиски Унион Ројал Сен Жилоа ќе биде со намален капацитет поради казната.
УЕФА притоа соопшти дека забранува продажба на карти за гостински навивачи за Ахнтрахт Франкфурт (првиот следен дуел им е со Карабах во Азербејџан), поради тоа што фрлаа предмети кон домашните навивачи на Барселона на „Камп Ноу“. Ајнтрахт е казнет со 38.000 евра и имаат рок од 30 дена да ја покријат целата штета што навивачите од Франкфурт ја направиле на реновираниот „Камп Ноу“.
Спортинг Лисабон е казнет со 40.000 евра и забрана за гостување на навивачите на еден натпревар. Лил е казнет со 10.000 евра за палење пиротехника на мечот со Јанг Бојс, а Макаби Тел Авив е казнет со 20.000 евра поради расистички скандирања и навреди на дуелот со Штутгарт на гости во Лига Европа.

извор