Другарството меѓу Мело и Џејмс трае повеќе од две децении. Леброн еднаш раскажа како му го спасил животот на Кармело на Бахами. Двајцата мечтаеле да играат во ист тим уште од моментот кога првпат стапнаа во НБА пред 18 години!

Пред крајот на дуелот меѓу Сакраменто Кингс и Далас Маверикс во рамките на НБА летната лига која се игра како подготовка за новата сезона, физички се судрија Еуџен Оморуји и Чајмези Мету. Првиов го турна вториот во еден скок, па овој најде начин да му врати. И двајцата беа исклучени од игра.

На друштвените мрежи се појави видео на кое некогашната легенда на кошаркарскиот клуб Партизан, Никола Пековиќ кој играше и во НБА за Минесота Тимбервулвс, а сега е прв човек на кошаркарската федерација на Црна Гора, пее кафански песни во стилот на освојувачот на титула во НБА, Дарко Миличиќ.

Суперѕвездата на Далас се договорил со клубот за продолжување на соработката на нови пет години.

Откако реши да не игра во квалификациите за Олимписките Игри на што српската јавност реагираше бурно, Никола Јокиќ одмора во својот роден град Сомбор по напорната сезона во НБА каде беше прогласен за најдобар играч - МВП. Наскоро треба да стане најскапо платен кошаркар на светот кој ќе заработува 250 милиони долари за пет сезони.

Кошаркарите на Соединетите Американски Држави го освоија олимпиското злато со триумф над селекцијата која им го нанесе првиот пораз на стартот од турнирот.

По шокантната вест дека Аргентинецот после 21 година заминува од Барса, се распали интернетот. Денвер Нагетс споделија едно видео на кое се гледа како Јокиќ, Кампацо и соиграчите играат сервис, со натпис над видеото: „Еј Меси... мислиме дека добро би се вклопил овде“.

Кошаркарите на Франција и Словенија одиграа неверојатно полуфинале со неколку резултатски клацкалици. Словенците се враќаа од голема негатива и на крајот имаа напад и шут за победа, ама Батум со четврта банана ги спречи.

И покрај бројните проблеми во игратa, поразите во подготвителниот период и неочекуваниот шок од Франција на почетокот на Олимпијадата, САД стигна до големото финале во Токио каде во недела ќе игра за четврто злато по ред!

Многумина ја знаат историјата на Луис Скола и неговата вечна страст кон кошарката и својата земја. Аргентинецот на 42 години се збогува со националниот дрес на Олимписките Игри во Токио.

Ветеранот кој во кариерата играше со кошаркари кои веќе повеќе од една деценија не се активни, растура за својата Аргентина без разлика на годините

Не бил доволно брз, немал атлетски физикус или со други зборови не бил ништо посебно како играч. Така од прилика звучеа прогнозите за европскиот првак и МВП на Реал Мадрид на свои 18 години. Три години подоцна, овие што ги има на видеово подобро нека се прават наудрени нека не се они. 

Еден од новите спортови воведени на игрите во Токио е и баскетот, кој некако кога ќе се спомне, не навраќа на детството и маалскиот живот. Ако бевме 9 души имаше и бољи пар, а тој што паузираше одеше по вода кај првиот комшија со чешма во двор.

Во ноќта меѓу четврток и петок со почеток од 02 часот после полноќ по наше време се одржа НБА драфтот 2021 во „Барклајз Центар“ во Бруклин.

Од Олимписките игри во Токио, за момент се селиме во Софија. А таму, што да видиме.

Ману Џинобили кој тежи 4 НБА титули, титула во Евролига и златен медал на Олимпијада, за настапот на словенечкиот феномен против неговата Аргентина напиша: Страшна доминација на Дончиќ. Ѕвер.

По пауза од 50 години, Милвоки Бакс ја слави шампионската титула во НБА лигата. Јанис и другарите направија парада со отворен автобус и го извадија цел град на нозе.

Во 2014-та твитна дека никогаш нема да го напушти Милвоки сè додека не изградат тим на шампионско ниво, твит на кој се воодушеви и Коби и му постави цел. Целиот труд и напорна работа надополнети со тешкото минато без пари, документи и мачење во сиромаштија ги содржат овие солзи.

Мајкл Џордан и Леброн Џејмс ги освоија првите шампионски титули на 27 години. Јанис Андетокумбо на 26. И тоа со минато како уличен продавач без документи, кој бил на штрек да не го фати полиција.

Со неверојатен пресврт од 0:2 на 4:2 во финалната серија, Милвоки ја врати титулата во својот дом по пауза од половина век. Бакси станаа само втор тим во историјата на НБА после Мајами во 2006-та, кој успеал да се врати и да направи ваков подвиг.

По пауза од 50 години, кошаркарите на Милвоки Бакс се на една победа до освојување на шампионската титула во НБА. По загубените две средби, Бакси сега водат 3:2. Крајот беше драматичен. Феникс испушти напад за победа.

Голем број на Босанци го загубија животот во битката со Ковид 19, па во обид да помогне, се ангажирал Јусуф Нуркиќ од Портланд кој загубил роднини меѓу кои и баба му.

На водството од 2:0 на Феникс, кошаркарите на Милвоби Бакс одговорија во голем стил и со две добиени партии на домашен терен го израмнија резултатот и ја разгоријата битката за титулата, која постои големи шанси да се одлучива со мајсторка.

Остај ти МВП, пивце му снемало на човекот. Лето е.