Милвоки го направи брвиот брејк во НБА финалето откако го доби петтиот натпревар со 123:119, а клучна беше последната минута во која во игра за триумф беа и двете екипи.
Феникс губеше само еден поен и тргна во напад, но многу наивно ја загубија топката во најнезгоден момент, а Бакси од тоа профитираа и на атрактивен начин стигнаа до победа.
Џру Холидеј му ја украде од раце на Девин Букер, тргна во контра и му асистираше на Андетокумбо кој ѕверски ја заби и плус се избори за слободно фрлање.
Инаку Санси имаа одличен старт на мечот и првата четвртина ја добија со висока предност од +16 (37-21), но потоа имаа голем пад и ја загубија целосно контролата на мечот,
Со овој триумф, Милвоки стана втор тим по Мајами, кој во НБА финале успеал да победе со 3:2, после негатива од 0:2.
Залудни беа 40-те поени на Девин Букер кој беше прв стрелец на средбата, бидејќи триото на Бакси беше во елемент. Андетокумбо постигна 32 поени, Мидлтон 29, а Холидеј 27.
