Историскиот деби олимписки настап на Лука Дончиќ

Ману Џинобили кој тежи 4 НБА титули, титула во Евролига и златен медал на Олимпијада, за настапот на словенечкиот феномен против неговата Аргентина напиша: Страшна доминација на Дончиќ. Ѕвер.

Ако мислевте дека најдоброто од Дончиќ што можеше да го понуди беше во олимписките квалификации, каде оствари импресивен учинок против Ангола, Полска, Венецуела и Литванија со просечни 21,3 поени, 11,3 асистенции и 8 скока, се лажете.

Тој имаше блескаво деби на Олимписките игри во Токио и тоа против Аргентина, финалист на последното Светско првенство во Кина пред две години.

Настапот му беше застрашувачки и историски и со тоа со рекорден број на поени, постигнати од страна на кошаркар од Европа.

Словенија на својот прв олимписки настап славеше против светскиот вицепрвак со 18 поени разлика (118:100), а Лука експлодираше со 48 поени надополнети со 11 скока и 5 асистенции. Да повториме, на својот деби настап на Олимпијада.

Уште во првото полувреме во кое Словенците имаа предност од +22 (62:40), тој беше незадржлив со 31 поен.

Со овој негов учинок Дончиќ е втор најдобар стрелец во историјата на Олимписките игри, а поефикасен од него е само бразилскиот легендарен играч, Оскар Шмит кој во Сеул 1988 на Шпанија и даде 55 коша.

И самите Аргентинци не штедат зборови и се реални во коментарите за еден од најдобрите играчи на денешницата кој растура во НБА лигата.

„Најдобриот играч во светот“, рече селекторот на Аргентина, Серхио Хернандес.

А легендарниот Ману Џинобили твитна:

„Страшна доминација од страна на Дончиќ. 31 поен во едно полувреме. Ѕвер“.

Свој коментар имаше и Богдан Богдановиќ од Атланта Хокс:

За олимпиското деби на 22 годишниот член на Далас има еден куп коментари, а еден од нив е дека неговиот настап дошол како удар од еспресо.

26 јули 2021 - 16:19

Штета ако сте пропуштиле

Брадата како православна одбрана од педерлаци

Кога ушите те лажат

Бакрачески како Ким Кардашијан

Како Черчил ги издаде грчките партизани и Егејците