Позајмицата од Валенсија во Уникс Казан, на македонскиот репрезентативец Ненад Димитријевиќ му ја донесе сезоната на кариерата. Ја заврши со 47 настапи од кои на 46 беше стартер, со просек од 15,8 поени, 5,3 скока, 3,2 асистенции, 1,2 украдени топки. Ја освои титулата во рускиот шампионат, прва и за него и за клубот и згора на сè беше прогласен за МВП на плејофот. ВТА лигата му посвети топ видео.

Навивачите на Барселона ќе уживаат во летото затоа што нивниот сакан клуб е шампион и во фудбалска и во кошаркарска лига на Шпанија. Синоќа во Мадрид, Барса одново го победи Реал и со убедливи 3-0 стигна до шампионска титула.

Германски Магдебург е нов европски шампион! Во големото финале пред преполни трибини во Келн, бундеслигашот направи уште еден голем подвиг и го совлада фаворитот Киелце 30-29 (26-26). Ова е четврти пехар во европскиот Куп/Лига на шампиони за германскиот клуб кој во полуфиналето славеше на пенали против Барселона која промаши дури четири пати.

Пред секое големо натпреварување, дали Светско првенство дали Олимписки игри, главно прашање за кошаркарскиот турнир е во кој состав ќе дојде главниот фаворит. Дрим тимот.

Според проценки на полицијата во Денвер, околу 700.000 луѓе излегле на големата шампионска парада на Нагетс по повод прослава на титулата во НБА. Пред крајот, од целата толпа специјалци од SWAT единицата ги извлекле Никола Јокиќ и Џамал Мареј.

Един и Коле од Арена Спорт имаат свежо, тазе интервју со новиот НБА шампион и МВП Никола Јокиќ. Со нив прави лежерен муабет и е некако свој на свое.

За време на четвртиот меч од финалето на грчката кошаркарска лига, на 2 ипол минути пред крајот на третата четвртина, кога Олимпијакос имаше водство од 22 разлика, навивачите на Панатинаикос направија хаос. Фрлаа разни предмети и пиротехника врз гостинската клупа и на паркетот па судијата го прекина мечот кој е регистриран службено со победа на Олимпијакос 0-20. 

Денвер ја дочека првата кошаркарска титула која што генерации ја сонувале 47 години. Затоа на шампионската парада според процени на полицјата, имало околу 700.000 присутни.

Уште на свои 9-10 години Никола Јокиќ, кога дошол во клубот СоКош Сомбор, тој бил „буцко кој сака да јаде бурек а бил плејмејкер заробен во тело на центар“.

Најдобриот кошаркар во НБА финалето кој заслужено доби МВП (награда за најкорисен играч) во едно од бројните интервјуа деновиве раскажува и дека дури сега сфатил што значи мајка дома со мало дете.

Симпатичната Малика Ендрјус од НБА Тудеј каналот во разговор со Никола Јокиќ го потсетува МВП-то дека бил 41-ви пик на драфтот а во моментите кога го поканувале на сцена тогаш во пренос одела реклама за „Тако Бол“, па нит го знаеле нит го познавале во јавноста.

Како гром од ведро небо за љубителите на кошарката стигна веста дека нов тренер на НБА шампионот од 2019-та Торонто Репторс станува непознатото име на овдешната јавност Дарко Рајаковиќ. Стратези од регионов досега не добиваа многу шанси во најсилната лига на свет, па ова е необична вест.

Денвер Нагетс е еден од 16-те најстари клубови во моментов во НБА. Основан уште во 1967-ма година како екипа во Американската Кошаркарска Асоцијација. Од сите тие 16 клубови шампиони станале сите (ако не во НБА, тогаш во Американската Кошаркарска Асоцијација). Сите освен Денвер. До утрово. Чекале 56 години.

Со фантастични бројки во текот на целата регуларна сезона а уште посјајни потоа во плејофот, капитенот на српската репрезентација и лидер на Денвер Нагетс заслужено стигна до шампионската титула, прва во клупската историја на тимот од Колорадо. Стана и МВП на финалето. Но во моментите додека сите славеа, Јокиќ отиде да се поздрави со противничките кошаркари од составот на Мајами Хит.

Откако големата еуфорична прослава во „Бол Арена“ во Денвер привршила, Никола Јокиќ на прес-конференција ладно во негов стил прашал кога е шампионската парада? Кога му кажале дека е во четврток, рекол дека морал да си оди дома.

Во шоуто по големата победа за шампионска титула на Денвер Нагетс, бројни роднини и пријатели на играчите се симнаа на паркетот. Меѓу нив и браќата на Јокиќ, Немања и Страхиња кои го следеа насекаде низ НБА лигата сезонава и претходно. Во еуфорија на прославата го фрлаа тренерот Мелоун во воздух.

Со својата ќерка Огњена која носеше дрес со натпис „тата“, Никола Јокиќ го доби вредното признание за најдобар играч на големото НБА финале. Гигантот од Сомбор влезе во редот на вечните центри кои се закителе со ова признание кое му го врачи Адам Силвер.

Кошаркарите на Денвер Нагетс се нови прваци во најсилната лига на светот откако синоќа го совладаа Мајами Хит во петтиот меч од големото финале со 94:89 и со вкупен резултат 4-1 стигнаа до шампионскиот прстен.

Крајно интересен е односот меѓу двајцата најактуелни спортисти во моментов. Додека трае големото НБА финале во кое Никола Јокиќ го води својот Денвер до предност од 3-1 и е на праг од титула, Ѓоковиќ го освои рекордниот 23-ти Гренд слем. Досега немале број еден од друг.

Со фантастична тимска игра и подолга клупа, Денвер Нагетс стигна до нов триумф над Мајами Хит, овојпат од 108:95 и сега се наоѓа на чекор од прва шампионска титула во историјата!

Прво Џордан не е прв. Второ Коби не може да е 14-ти. Трето го нема Никола и четврто му фалат последните 10. Слободно додавајте што мислите, а роботов треба уште да учи и да брои.

Српскиот репрезентативец Никола Јовиќ е најмладиот учесник на овогодишното НБА финале. Денес во петок наполнил 20 години.

Прво дечково е комедии, второ е страшно талентиран за имитирање, а очигледно е и популарен со оглед на фино развиените социјални мрежи каде ќе го најдете како Maxisnicee. Абе дали е свесен колку го кине? Секој потег му го вади и целосно му го доловува оној уникатен стил кој го нема друг играч во НБА. Па тоа тромавите покрети па. Абе денот ни го направи.

При Џордан, Леброн, Коби, Шек, Меџик и цела плејада на легенди, доаѓа едно скромно момче од Сомбор кое до вчера бараше другари за баскет преку Фејсбук и станува прв кошаркар во историјата  со 30+ поени, 20+ скока и 10+ асистенции на меч од НБА финале. „Не ми е гајле, тоа е само статистика“, вели после мечот. Џабе го прашуваат на темава.