Реал Мадрид атакуваше во текот на целото прво полувреме, но на голот на Сити брилираше Џо Харт. Мадриѓаните продолжија со нападите и во второто полувреме, но први поведоа гостите преку Џеко што беше вовед во драматична завршница.
Домаќините возвратија преку Марсело и продолжија со нападите, но Сити повторно дојде во водство со прекрасниот гол на Коларов.
Но славјето на гостите траеше само две минути. Во 87-та минута Бензема израмни на 2:2, а во последната минута Роналдо стрелаше за конечни 3:2.
На вториот меч од „групата на смртта", Борусија Дортмунд го сруши отпорот на Ајакс дури во 87-та минута.
ПСЖ имаше фуриозен старт и го совлада Динамо Киев со 4:1, а Ибрахимовиќ сруши два рекорди. Тој стана првиот фудбалер кој играл и првиот фудбалер кој постигнал голови за шест различни клубови во Лигата на шампиони.
Динамо Загреб ја продолжи катастрофалната серија од минатата сезона и забележа нов пораз. Овој пат рутинска победа во Загреб славеше Порто.
Арсенал губеше, но направи пресврт за девет минути и триумфираше на гостувањето кај Монпеље.
Со идентичен резултат од 1:2 победи и Шалке кај Олимпијакос.
Малага имаше успешно деби во Лигата на шампиони и го победи Зенит со 3:0.
Милан ја продолжи мизеријата и во Европа и не успеа да го победи Андерлехт.
ЛИГА НА ШАМПИОНИ - 1. коло
Група А
Динамо Загреб - Порто 0:2 (0:1)
Гонзалез 41, Дефур 91
ПСЖ - Динамо Киев 4:1 (3:1)
Ибрахимовиќ 19п, Силва 30, Алекс 32, Пасторе 91 - Велосо 87
Група Б
Монпеље - Арсенал 1:2 (1:2)
Беланда 9п - Подолски 16, Жервињо 18
Олимпијакос - Шалке 1:2 (0:1)
Абдун 58 - Хуведес 41, Хунтелар 59
Група Ц
Милан - Андерлехт 0:0
Малага - Зенит 3:0 (2:0)
Иско 3,76, Савиола 13
Група Д
Борусија Дортмунд - Ајакс 1:0 (0:0)
Левандовски 87
Реал Мадрид - Манчестер Сити 3:2 (0:0)
Марсело 76, Бензема 87, Роналдо 90 - Џеко 69, Коларов 85
