РЕАЛ МАДРИД - АТЛЕТИКО МАДРИД (20:45)
- Во претходните осум месеци, Реал и Атлетико Мадрид се сретнаа седум пати, а Кралскиот клуб не победи ниту еднаш. Атлетико славеше два пати во Примера и еднаш во Копа дел Реј и Супер купот. Три средби завршија нерешено.
- Десеткратниот првак на Европа може да се потпре на статистиката, која вели дека 21 од 22 пати кога на првиот меч на гости играле нерешено, секогаш проаѓале понатаму.
- Единствено Спартак Москва во 1991. година го елиминираше Реал Мадрид по ремито во Москва, Кралевите загубија 1-3 на домашен терен.
- Реал ќе игра без Бензема, Модриќ и Герет Бејл.
- Пред поразот 3:4 од Шалке во Лигата на шампионите на Бернабеу, Реал Мадрид имаше 11 победи по ред на домашен терен.
- Атлетико Мадрид по седми пат игра во четвртфиналето од Лигата на шампионите, каде по петти пат ќе се обиде да влезе во полуфиналето.
- „Јорганџиите“ имаат седум победи и пет порази во вкупно 16 натпревари против шпански екипи во Европа.
- Од септември 2013. година, Атлетико Мадрид победил на пет од осум гостински средби откако дома ремизирал.
Можни состави:
Реал Мадрид - Касиљас, Карвахал, Варан, Рамос, Коентрао, Иско, Иљараменди, Крос, Хамес Родригез, Роналдо, Хернандез.
Отсути: Марсело (казнет), Модриќ, Бејл, Бензема (повредени).
Атлетико: Облак, Хуанфран, Миранда, Годин, Сикера, Арда Туран, Габи, Тиаго, Коке, Гризман, Манџукиќ.
Отсутни: Марио Суарез (казнет).
МОНАКО - ЈУВЕНТУС (20:45)
- Двете екипи ќе играат за прво полуфинале после повеќе од една деценија.
- Монако прв пат после 1998. година игра против италијански претставник во Европа. Пред 17 години, Французите загубија токму од Јувентус во полуфиналето на ЛШ со вкупен резултат 6-4.
- Тимот од Монте Карло немаше пораз дома на последните осум натпревари во ЛШ сезонава, сè до дуелот од осмина финалето против Арсенал кога загубија 0-2.
- Монако успеал само еднаш од шест пати да помине понатаму кога во нокаут фазата играл против италијански состав.
- Двократниот европски првак Јувентус три пати испадна во четвртфиналето во последните три сезони. Пред две години загубија од Баерн Минхен со вкупни 4-0.
- Избраниците на Масимилијано Алегри ќе се обидат и трет пат сезонава да слават на гостински терен, откако ги победија Малме (0-2) и Дортмунд (0-3).
- Јувентус успешно го заврши последното гостување во Франција, кога го совлада Лион 0-1 во четврт-финалето од Лигата на Европа. Против француски екипи на гости, Јувентус има 4 победи 2 нерешени и 5 порази.
- Јувентус по трет пат во ќе игра во Европа на 22. април. До сега победувал во два наврати кога играл на овој датум (1-0 против ПСЖ во УЕФА 1992/1993, против Барса во ЛШ 2002/2003 после продолженијата).
- Бјанконерите примија само еден гол на последните 5 натпревари во Лигата на шампионите. Марко Ројс им даде гол на 24. февруари годинава во Торино.
- Мрежата на Буфон мирува 252' минути во Лигата на шампионите.
Можни состави:
Монако - Субашиќ, Раги, Фабињо, Абденур, Курзава, Мутињо, Бернардо Силва, Кондогбиа, Дирар, Марсиал, Бербатов.
Отсутни: Ласана Траоре и Тулалан (повредени).
Јувентус - Буфон, Барѕаљи, Бонучи, Киелини, Лихштајнер, Маркизио, Пирло, Видал, Евра, Мората, Тевез.
Отсутни: Касерез и Погба (повредени)
