Номинираните за наградата се минатогодишниот освојувач Робин ван Перси, како и најдобриот од претходната сезона, Герет Бејл од Тотенхем кој се смета за најголем фаворит да биде прогласен за најдобар и оваа сезона.
Покрај нив, номинирани се и Мајкле Керик од Манчестер Јунајтед, Еден Азар и Хуан Мата од Челси и Луис Суарез од Ливерпул.
Герет Бејл и Еден Азар се вброени и на списокот на номинирани за најдобар млад играч на сезоната. Во оваа категорија се номинирани и Кристиан Бентеке од Астон Вила, Ромелу Лукаку од Челси/ВБА, Дани Велбек од Манчестер Јунајтед и Џек Вилшир од Арсенал.
Победниците ќе бидат објавени на 28 април.
