Ма какво второ место, Хрватите се пречекани како богови

По историскиот пласман во финале, Хрватска тотално одлепи и ги пречека своите херои како Светски шампиони. Ваков епски пречек може да приредат само балканци и никој друг. Се зборува за бројка од половина милион луѓе во центарот на Загреб. Една женска топлес се сликаше со полицајци.

Хрватите беа во транс после секој пласман на нивната репрезентација почнувајќи од оној во осминафиналето кога го запалија плоштадот и скокаа во фонтани, ама синоќа го достигнаа врвот во славењето.
 
Херојската селекција предводена од Златко Далиќ слета на аеродромот во Загреб околу 14 часот и 5 часа се движеше со отворен автобус до плоштадот Бан Јелачиќ каде беше организирана прославата.
 
Загрепскиот плоштад е оддалечен од аеродромот 25 километри, но автобусот се движеше, тргни - застани. Цел Загреб и цела земја одлепи, а вработените ги пуштале порано од работа за да ја фатат фештата.
 
Медиумите шпекулираат со разни бројки околу тоа колку луѓе имало на прославата од 200.000 до 300.000, а полицијата тврди дека имало 500.000 луѓе. Па ваков пречек немаше ни Светскиот шампион Франција, ова е величествено и неповторливо.

17 јули 2018 - 09:37