ДИЕГО ФУЗЕР (Од Милан во Лацио)
Диего Фузер фати две златни сезони во Милан 1989/1990 и 1991/1992, а тие му донесоа Скудето, Лига на шампиони, Супер Куп на УЕФА и Интерконтинентален Куп. Откако ја одигра втората сезона во Милан каде немаше голема минутажа, направи трансфер во Лацио за 7 милијарди лири (3,5 милиони евра). Во Рим остана шест сезони на кои одигра 242 меча, постигна 42 гола и го освои Купот на Италија како капитен.
АЛЕСАНДРО НЕСТА (Од Лацио во Милан)
Една од најболните точки во историјата на Лацио за навивачите е продажбата на нивниот симбол, Неста кој беше дете на клубот и кој важеше за еден од најдобрите дефанзивци во светот. Неста освои 7 трофеи со Лацио за 9 сезони, но клубот се соочуваше со големи финансики проблеми и претседателот Серџо Крањоти одлучи да му го продаде на Милан за 30 милиони евра. На Сан Сиро играше од 2002-ра до 2012-та и освои 10 трофеи.
АЛБЕРТИНИ ЗА ПАНКАРО
Следното лето 2003-та година Лацио и Милан се договорија за трампа. Во Милано замина левиот бек Џузепе Панкаро кој ги фати убавите денови во Лацио каде играше од 1997-ма до 2003-та, а на Олимпико пристигна една од легендите на Милан, Деметрио Албертини кој го носеше дресот на Росонерите 14 сезони. Панкаро во Милан играше две сезони, а Албертини во Лацио една.
ЈАП СТАМ (Од Лацио во Милан)
Соработката на линија Милано - Рим продолжи следната година 2004-та кога во Милан заигра уште еден важен играч од одбраната на Лацио. Се работи за столбот Јап Стам кој во 2001-ва од Манчестер Јунајтед премина во Лацио, а во 2004-та кариерата ја продолжи во Милан. Во однос на трофеи не му се усреќи многу во Серија А. Освои Куп на Италија со Лацио и Италијански Супер Куп со Милан.
МАСИМО ОДО (Од Лацио во Милан)
Голем впечаток во Лацио остави и бекот кој беше дел од светскиот првак Италија во 2006-та. Играше 5 сезони во Рим, ја носеше капитенската лента, освои Куп на Италија, а во 2007-ма година направи трансфер за 10 милиони евра. Милан му донесе Скудето, Лига на шампиони, Супер Куп на Европа и Светско клупско првенство.
KРИСТИЈАН БРОКИ (Од Милан во Лацио)
Беше дел од младинскиот сектор на Милан, а потоа играше 6 сезони во кои освои 6 трофеи. Во 2008-ма направи трансфер во Лацио, а по сезоната 2012/2013 мораше да се пензионира поради повреди. Направи кам бек во Милан каде беше тренер и на младинците и на сениорите.
ЛУКАС БИЉА (Од Лацио во Милан)
Последниот трансфер меѓу овие два клуба се случи летово кога по долга неизвесност Лацио на Милан му го продаде командантот од средниот ред и капитен за сума од 17 милиони евра плус бонуси од 3 милиони.
