Каков човек е Даниел Кајмакоски?

Добар, предобар. Посветен на фановите, љубезен кон општеството и природата, погоден за пријател, другар, комшија, идол и зет за ќерка.Тоа македонската интернет јавност интуитивно го препозна па на неговиот ангелски глас додава и белешки за неговата чак норисовски добра природа.

- Даниел Кајмакоски е таков човек кој станува на пензионери во автобус иако има многу други празни места.

- Даниел Кајмакоски е таков човек кој прв кажува Христос Воскресе на полноќ на Велигден.

- Даниел Кајмакоски е таков човек кој кога кашла ти вика "на здравје."

- Даниел Кајмакоски е таков човек кој стои пред автоматска врата за да не мора да се отвори пак за човекот зад него.

- Даниел Кајмакоски е таков вид на човек кој ти пишува на профил "Фала на пријателството" кога ќе те прифати за пријател на Фејсбук.

- Даниел Кајмакоски е таков човек кој ти клика шер на "Сподели ја сликата за Господ да ти внесе здравје во куќата."

- Даниел Кајмакоски е таков човек кој купува ДВД-а наместо да симнува торенти.

- Даниел Кајмакоски е таков вид на човек кој кога имал 12 години гасел ТВ кога пишувало 16+ за некој филм / серија

- Даниел Кајмакоски е таков човек кој не ја гази тревата на која има знак "не ја гази тревата"

- Даниел Кајмакоски е таковчовек кој стиска safety remove пред да го извади УСБ-то.

- Даниел Кајмакоски е таков човек кој ќе стави лајк на вашите злобни коментари упатени кон него.

- Даниел Кајмакоски е таков човек кој стиска like на тие што ќе му пишат "like pls za nagradna igra mi e."

- Даниел Кајмакоски е таков човек кој мјаука назад кога мачките му мјаукаат на улица.

- Даниел Кајмакоски е таков вид на човек кој споделува слики со кои ќе додели 1 долар за да спаси човечки живот.

- Даниел Кајмакоски е таков човек кој ако му истуриш нешто врз него ќе ти се извини за изгубениот пијалок и ќе ти купи нов.

- Даниел Кајмакоски е таков вид човек кој ги игра сите игри на ФБ на кои ќе биде поканет.

- Даниел Кајмакоски е таков човек кој кога ќе скрши бисквит, на другарот му го дава поголемото парче.

2 јули 2014 - 09:44