Немајќи попаметна работа, англичаните решија да ги пребројат имињата на 2.400 фудбалери од 92 клубови кои се натпреваруваат во четирите професионални лиги.
Заклучокот е дека во англискиот фудбал сега има повеќе фудбалери кои се викаат Горан (Попов во ВБА), од Најџел. Во минатото имаше повеќе фудбалери кои се викаа Најџел, а до минатата сезона ги имаа Де Јонг и Рио-Кокер, но првиот сега игра во Милан, а вториот е без клуб, па така англискиот фудбал остана без Најџел.
Доколку се состави прв тим од начестите имиња на фудбалери во Англија, тој би изгледал вака: Дејвид (46 фудбалери), Дени (46), Крис (44), Џо (38), Мајкл (37), Џејмс (36), Пол (36), Адам (34), Марк (33), Ли (31) и Рајан (30).
