Фудбалската репрезентација на Македонија падна едно место на најновата ранг листа на ФИФА и сега е на 135-та позиција. Етиопија на пример забележа скок од 16 позиции и е 120-та фудбалска земја во светот.
Либерија прескокна 17 места и е две места подобра од нас. Тоа е вака на прва што ни боде очи на најновото рангирање. Едно место над нас е Виетнам, а под нас е Луксембург, како и Намибија која напредуваше 20 позиции.
Јули беше фудбалски месец, ама клупски за квалификациите во Лига Европа и Лига на шампиони, а Македонија немаше никакви активности.
Од нашите противници во квалификациите за Мундијалот во Русија, освен Лихтенштајн кој скокна едно место и е 190-ти, позициите на останатите земји се исти од минатиот месец. Шпанија и Италија ги држат 11-та и 12-та позиција, Албанија е 63-та, а Израел 70-ти.
На врвот Бразил му го зема местото на Германија која сега е втора, Аргентина е трета, а во топ 10 влегуваат уште и Швајцарија, Полска, Португалија, Чиле, Колумбија, Белгија и Франција.
