За вредниот трофеј во најелитното натпреварување во Европа ќе се борат 32 клуба. Дебитанти сезонава се шампионот на Англија, Лестер и вицепрвакот на Русија, Ростов кој во реваншот му одржа вистинска лекција на Ајакс и го победи со 4-1.
Во кремот на европскиот фудбал повторно се најде и Динамо Загреб кој по четврти пат во последните шест сезони ќе игра во Лигата на шампионите. Тука се уште и бугарскиот Лудогорец, Копенхаген, Легија, Базел. Како ретко кога досега во Лигата на шампионите ќе го нема грчкиот шампион Олимпијакос. Исклучок на оваа ждрепка како и на сите досегашни во организација на УЕФА е што не можат во иста група да се паднат екипи од Русија и Украина.
На извлекувањето во Нион вечерва меѓу другите се појавија Кларенс Сидорф, Роберто Карлос и Тиери Анри кои со Ван Нистелрој ја влечеа ждрепката, а присутни беа и Герет Бејл, Кристијано Роналдо, Гризман...
ГРУПА А: ПСЖ, АРСЕНАЛ, БАЗЕЛ, ЛУДОГОРЕЦ,.
ГРУПА Б: БЕНФИКА, НАПОЛИ, ДИНАМО КИЕВ, БЕШИКТАШ.
ГРУПА Ц: БАРСЕЛОНА, МАНЧЕСТЕР СИТИ, БОРУСИЈА МЕНХЕНГЛАДБАХ, СЕЛТИК.
ГРУПА Д: БАЕРН МИНХЕН, АТЛЕТИКО МАДРИД, ПСВ АЈНДХОВЕН, РОСТОВ.
ГРУПА Е: ЦСКА МОСКВА, БАЕР ЛЕВЕРКУЗЕН, ТОТЕНХЕМ, МОНСКО.
ГРУПА Ф: РЕАЛ МАДРИД, БОРУСИЈА ДОРТМУНД, СПОРТИНГ ЛИСАБОН, ЛЕГИЈА ВАРШАВА.
ГРУПА Г: ЛЕСТЕР, ПОРТО, КЛУБ БРИЖ, КОПЕНХАГЕН.
ГРУПА Х: ЈУВЕНТУС, СЕВИЉА, ОЛИМПИК ЛИОН, ДИНАМО ЗАГРЕБ.
Првото коло од Лигата на шампионите почнува на 13/14 септември, а последното 6. коло е на 6/7 декември. Финалето се игра во Кардиф, на стадионот „Милениум“ на 3. јуни 2017. година.
