Лош старт на новата сезона за Реал Мадрид. Во првото коло се соочија со еден од потешките противници во Примера и веднаш кикснаа.
Мадриѓаните добро започнаа и поведоа уште во десетата минута преку Гонзало Игуаин, но во 42-та минута Жонас го искуристи незгодниот судар при воздушниот дуел на Касиљас и Пепе и израмни на 1:1.
Во второто полувреме Реал тргна со сите сили во нападот, но тие не успеаја да ги искористат своите шанси.
Тито Виланова имаше успешно деби на клупата на Барселона. Неговиот тим го победи Реал Сосиедад со 5:1.
Барселона поведе уште во четвртата минута со голот на Пујол со глава по корнер, а по само пет минути израмни Гонзало Кастро, но тоа беше се што гостите сторија на овој натпревар.
Радоста на Реал Сосиедад траеше не цели две минути затоа што во 11-та минута Меси стрелаше за 2:1, а по пет минути тој го постигна и својот втор погодок.
На 4:1 зголеми Педро, а во 75-та минута по пауза од осум месеци за прв пат на официјален натпревар во игра влезе и Дави Виља кој своето враќање на терените го одбележа со гол во 84-та минута за конечни 5:1.
Најинтересниот натпревар денес беше одигран во Билбао каде Бетис по првиот дел водеше со 0:3, во второто полувреме Атлетик Билбао израмни на 3:3, но на крајот гостите славеа со 3:5.
ПРИМЕРА – 1. КОЛО
сабота
Селта – Малга 0:1 (0:0)
Олинга 84
Севиља – Хетафе 2:1 (2:0)
Фацио 34, Негредо 38пен – Алексис 50
Мајорка – Еспањол 2:1 (1:1)
Хемед 2, 85 – Мубарак 6
недела
Барселона – Реал Сосиедад 5:1 (4:1)
Пујол 4, Меси 11, 16, Педро 41, Виља 84 - Кастро 9
Атлетик Билбао – Бетис 3:5 (0:3)
Де Маркос 47, Сан Хозе 67, 76 – Кастро 7, Молина 26, 87 Бењат 31, Позуело 80
Реал Мадрид – Валенсија 1:1 (1:1)
Игуаин 10 – Жонас 42
23.00 Леванте – Атлетико Мадрид
понеделник
19.00 Депортиво – Осасуна
21.00 Ваљекано – Гранада
23.00 Сарагоса – Ваљадолид
