Американскиот претседател Џо Бајден откри дека тој ќе ја држи посмртната реч за поранешниот претседател Џими Картер.
Му текна дека човекот уште е жив па рече: „Не требаше да го кажам ова“.
98 годишниот Џими Картер е најдолговечниот претстедател на САД и подолго време престојува во болница во Џорџија поради серија здравствени проблеми а според Бајден, самиот побарал тој да му ја држи еулогијата.
Кинескиот премиер Ли Чијан предлага создавање глобална организација за соработка, координација и безбедност на развојот на вештачката интелигенција. На отворањето на Светската конференција за ВИ во Шангај, Ли ја опиша вештачката интелигенција како „нов мотор за развој“, но забележа дека секоја земја има сопствени регулативи.
„Глобалното управување со ВИ е фрагментирано. Има големи разлики во концептите за регулација и правилата. Мора да ја засилиме координацијата и да формираме глобална рамка за управување со ВИ“, изјави Ли.
Без да ги спомне САД и нивната забрана за извоз на најсовремени чипови во Кина, Ли предупреди дека ВИ може да биде „ексклузивна игра“ за неколку големи земји и компании.
На годишната конференција во Шангај, спонзорирана од кинеските власти, учествуваат истакнати експерти и лидери од светот. Меѓу говорниците се Џефри Хинтон, познат како „Кумот на ВИ“ и поранешниот директор на Гугл, Ерик Шмит. Досега редовно учествуваше и Илон Маск, но годинава нема да се обрати.
Повеќе од 800 светски компании ќе претстават 3.000 хај-тек производи, 40 големи јазични модели, 50 уреди со ВИ и 60 роботи.
Американскиот претседател Доналд Трамп ја повика Европа да дејствува заеднички против илегалната миграција.
„Ужасната инвазија мора да запре. Подобро дејствувајте заедно или повеќе нема да ја имате Европа“, изјави Трамп во Глазгов на почетокот на четиридневна посета на Шкотска.
„Мора да ја запрете оваа ужасна инвазија што се случува во многу земји во Европа. Некои лидери не дозволија тоа да се случи и не добиваат соодветна заслуга... Можам да ви ги именувам веднаш, но нема да ги засрамам другите. Но, запрете, оваа имиграција ја убива Европа, додаде Трамп.
Тој го истакна примерот на САД, откако спроведе низа мерки за запирање на мигрантскиот бран. „Минатиот месец никој не влезе во нашата земја“.
Британскиот премиер трпи голем притисок од јавноста да се справи со нелегалната миграција. До средината на јули до брегот на Британија преку Ламанш пристигнале 22.000 мали чамци со мигранти што е 50% повеќе во споредба со лани.
Трамп ќе ги посети своите терени за голф во Шкотска, ќе се сретне со премиерот Стармер и со претседателката на Европската комисија Урсула фон дер Лејен.
