Објавувањето на аннкетните листови на руските функционери обелодени дека во 2015-та, портпаролот на рускиот претседател имал четири пати повеќе примања од својот надреден. Дмитри Пешков објасни - од тато му се.  

Бразилците во просек во пензија одат на 54 години, а одредени државни службеници, војни функционери и политичари добиваат по неколку пензии што заедно можат да достигнат над 100.000 долари годишно. По нивната смрт пензиите ги наследуваат сопругите или ќерките, и имаат право на нив до крајот на животот.

Кога започнуваат немирите во Сирија 25-годишниот Абу Јазан работи како градежник. Откако ИСИС ја освојува Рака тој бега од својот роден град. Во јануари 2014-та пристигнува во Турција, каде не му дозволуваат влез во ниту еден бегалски камп, затоа што е млад и нема семејство. Од тогаш живее во Измир. Година и пол подоцна почнува да работи за една мрежа за шверц на луѓе.

Берни Сандерс веќе освои нешто големо а тоа не е неговата клучна политичка цел во моментов, партиската номинација за претседател. "Баталете кој победил во некоја дебата. Сандерс победи затоа што ги постави темите на дебатата," пишува Слејт.

Новинар саркастично го предизвикува го предизвикува канадскиот премиер Џастин Трудо да почне да збори за политика, затоа што за квантни компјутери сигурно нема што да збори. Не, а?

Ситуацијата е следна, ако администрацијата на Обама или Конгресот одлучат да донесат закон кој ќе овозможи саудиските власти да одговараат пред американските судови за каква било поврзаност со 11-ти септември, кралството ќе продаде американски хартии од вредност во износ од стотици милијарди долари.

Човекот во 90-те отвора и работи американско претставништво на Мосак Фонсека, објаснува како функционира компанијата, дека таа е најмалку виновна за што било и зошто нема Американци на списоците.

Деновиве на интернет повторно проциркулира фотографијата со расплаканиот воен ветеран направена за време на парада во Русија. За комплетен впечаток сликата беше дополнета со текстот: Последниот ветеран од една чета од Втората светска војна сам маршира на парадата за Денот на победата.

Кале на северот од Франција е последната точка од континенталното патување на секој еден бегалец со сон за селење во Британија. За добар дел од бегалците преминувањето на Ла Манш е одложено на неодредено време. Како последица на ова почна да изникнува градот од шатори, локално познат како Џунгла.

Од перспектива на останатите трговци на еден од најголемите цветни пазари во близина на Амстердам, Винченцо Крупи е само уште еден цвеќар кој се обидува да извезува што е можно повеќе цвеќе. За полицијата Крупи е човек кој колку што има пуштено цвеќе во извоз, толку има и дрога.

Американската посветеност на Блискиот Исток доведе до неочекуван пад во резервите на воздух-земја муниција на Пентагон. Нормално дека ќе надоместат, ама не оди тоа така брзо.

Неколку дена по масакрот во Париз, за сега неименувана жена се среќава со Абделхамид Абауд, организаторот на нападите. Токму нејзината дојава до полицијата е витална за неговото откривање. Најважно и е светот да знае да знае дека "и јас сум муслиманка, и дека тоа што го направија Абауд и другите, не е учење на Исламот."

На 6-ти април 1994-та на слетување во Кигали соборен е авионот на претседателот на Руанда, кој загинува во несреќата. Следниот ден Хуту војници, полицајци и милиција почнува со масакрирање на Тутсите. Просекот им е околу 10.000 убиени луѓе на ден, и ова темпо го држат некаде до средината на јули.

"Ние не сме Викиликс туку сериозно новинарство," надмено ја фрли ракавицата за двобој првиот човек на меѓународниот новинарски конзорциум кој ги објавува оф-шор податоците од Панама. Викиликс не останаа должни па ги обвинија за политичка манипулација  оркестрирана од Сорос и американската влада преку УСАИД, со цел да му се наштети на Путин.

Бидејќи тоа што е преплавена со пустина од сите страни, никако не и помага на Саудиска Арабија околу сушата и проблемите со обезбедување храна за стоката, една од најголемите млекари во земјата почна да купува земјиште во САД. Па таму ќе садат трева.

Владимир Путин, иако директно никаде не спомнат во кој било од објавените документи, беше најмоќниот лидер кој се појави во неделното објавување на Панама документите. Беа спомнати имињата на неколку најблиски пријатели и соработници на рускиот претседател кои наводно переле пари во негово име.

Висконсин е шеста по ред победа на Берни Сандерс во предизборната трка со Хилари Клинтон. На почетокот на кампањата, ретко кој очекуваше волку жилаво држење од човекот кому интегритет никогаш не му недостасувал а сега стои добро и со пари. Уште да успее некако да се конектира со црните гласачи. Тоа ќе се види во Њујорк.

Кога во 1971-ва Њујорк тајмс објави 7.000 страници од тајни документи за војната во Виетнам, тоа беше најголемото протекување на државни тајни во историјата, и се на се тежеше неколку мегабајти. Кога Викиликс шокираше во 2010-та, на виделина излегоа 1,73 гигабајти информации. Во неделата Панама документите го потресоа светот со објавување на речиси 150 документи од вкупно 11,5 милиони.

"Панама документи" е името на истражувачката сторија во која десетици светски медиуми една година работат на прочешлување на 2,6 терабајти податоци (пазарски пресметано 2600 гига) украдени од една од најголемите светски офшор адвокатски компании, Мосак Фонсека. Главен лик во првите извештаи за протечените документи е Владимир Путин.

На почетокот на македонската независност, кога парламентарното мнозинство го имаше освоено ВМРО ДПМНЕ, од тоа шарено ама пред сè руралистичко крило протече идеја Албанците кои сакаат државјанство да се заколнуваат на лојалност на Македонија. Четврт век подоцна, време во кое ние као пробуваме да се приближиме кон европските вредности, слична дискриминирачка идеја се реализира во Белгија.

Могулите на новите технолопогии не размислуваат само за својот следен старт-ап. Фрлаат тие во меѓувреме и пари и влијание и на кандидатите во претседателската трка. Наспроти либерализмот на кој асоцира Силициумската долина, добар дел од парите одат за Републиканската партија.

"Владата се распаѓа.. и тоа е добра вест?" е насловот на ова 10 минутно кроки запознавање со актуелната политичка ситуација во Бразил за која "House of Cards" и нејзините интриги се смешка. Дерење државни фирми за да се добијат тендери, корупција, прислушкување, поларизација на социјалните мрежи... You name it, we have it.

На просторот меѓу сирискиот град Алепо и турската граница, веќе некое време се водат битки меѓу две спротивставени милиции, од кои едната е поддржана и вооружена од САД, а втората е поддржана и вооружена од САД.

Апокалиптичниот наслов е името на новото пропагандно видео што Северна Кореја им го посвети на САД. По содржина слично на бројни холивудски блокбастери, Вашингтон е уништен од нуклеарка, само што оваа е лансирана од северно-корејска подморница (иако, веројатно има и такви сценарио),