Пожртвуваноста не секогаш се исплати. Тоа најдобро го знае Џејмс Јанг од Универзитетот Кентаки кој во обид да спаси топка од аут, си постигна автокош.

Кошаркарот на Бруклин Нетс, Ендри Блач заработи казна од 15.000 заради непристојна прослава. Резервниот центар непристојно гестикулираше при прославата на тројка на клупата за резерви за време на победата над Мајами.

Атланта Хокс на Перо Антиќ го забележа вториот пораз на третиот натпревар во новата сезона на НБА лигата. Овој пат Атланта беше блиску до изненадување во Лос Анџелес, но на крајот Лејкерси победија со 105:103.

Актуелниот македонски шампион очигледно се наоѓа во кризен период. По двата порази во Еврокупот и трите во АБА лигата, тимот од Аеродром го одбележа и шестиот непосакуван резултат во низа на меѓународните натпреварувања. Мега Визура славеше убедливо со 101:82.

Перо Антиќ ги постигна првите поени на официјален натпревар во НБА. Првиот Македонец во ова натпреварување имаше учинок од пет поени во првата победа на Атланта Хокс оваа сезона, совладувајќи го Торонто со 102:95.

Ок е денешниот ден затоа што веројатно ви стигнала платата и сега правите планови какви ќејфови да терате викендов. Најлесно тоа ќе го испланира Коби Брајант затоа што денеска му легнаа на сметка скромни 24 милиони долари.

Ако случајно сте добиле седмица на лото, можеби ќе сакате да потрошите 15.000 долари за од прв ред да го гледате дербито Мајами-Лејкерс. Не е проблем и ако немате толкав џеб. Некои натпревари во НБА може да ги гледате и за помалку од 10 долари.

Го дочекавме и тој ден. Македонија и официјално стана дел од НБА лигата преку Перо Антиќ кој ги одигра првите осум минути за кои остана без поени при поразот на Атланта на гостувањето кај Далас.

Актуелниот шампион на Македонија го забележа и третиот пораз во второто по ранг клупско европско натпреварување. Турскиот претставник Банвит Бандирма се покажа како пресилен за составот на Вукоичиќ кој загуби со 24 поени разлика.

Ако денот по утрото се познава, тогаш ни претстои многу интересна НБА сезона не само заради возбудливите натпревари, туку и заради забавните моменти кои се неизбежен дел од овој кошаркарски циркус. Ова се најинтересните моменти од НБА претсезоната.

Започна 68-та сезона во НБА лигата. Кошаркарите на Мајами Хит ги добија шампионските прстени и му го расипаа враќањето Роуз. Резервите на Лејкерси го добија градското дерби против Клиперс, а Индијана го совлада Орландо.

Конечно стартува 68-та сезона на НБА лигата, за нас уште поинтересна заради настапот на Перо Антиќ, првиот Македонец во најквалитетната кошаркарско натпреварување. Мајами Хит повторно е фаворит за одбрана на титулата, но конкурентите оваа сезона се побројни и поквалитетни.

Преминот на Јао Минг во НБА во 2002 година драстично ја зголеми популарноста на овој спорт во Кина, но од тоа голема придобивка има и најквалитетната кошаркарска лига која во оваа азиска земја го пронајде вториот најголем пазар во светот.

Храбро и борбено настапи македонскиот шампион против бранителот на титулата во АБА лигата, тимот на Партизан, но последните секунди му пресудија на тимот од Аеродром кој поткленка во последниот напад и загуби со 69:70 во петтото коло од регионалната лига.

Без сите играчи од стартната петорка на претходниот натпревар, Атланта Хокс загубија од Далас Маверикс на последниот натпревар пред почетокот на новата сезона, а Антиќ доби најголема минутажа до сега.

Актуелниот шампион на Македонија и покрај одличната партија, не успеа да обезбеди победа во второто коло од Еврокупот против Макаби Хаифа. Клучни беа последните моменти од мечот кога „Металците“ ја испуштија предноста која ја имаа скоро на целиот меч и загубија со 83:86.

Атланта Хокс забележа уште еден пораз во подготвителните натпревари пред новата сезона во НБА лигата, а Перо Антиќ го одигра за него најефикасниот натпревар до сега во НБА.

Детето се вика Чејс Адамс. Има 12 години и веќе растура постари и повисоки по цела глава од него. Запаметете го неговото име. По неколку години кога ќе почне да растура во НБА, ќе пишеме статија со наслов „Што ви рековме?“ и ќе ставиме линк до ова видео.

Наскоро ќе можеме да дознаеме дали Перо Антиќ повеќе трча во вторници или саботи, кој кошаркар на Мајами следен ќе шутира или како се движат додавањата помеѓу играчите. НБА лигата ќе воведе нов начин на собирање и анализа на податоците со што ќе ни се промени начинот на кој што гледаме спорт.

Перо Антиќ го одигра третиот претсезонски натпревар на кој неговиот тим доживеа нов пораз. Атланта Хокс загуби на домашен терен од Мемфис Гризлис со 82:90.

Македонскиот шампион МЗТ доживеа втор пораз во регионалната АБА лига оваа сезона, овој пат од тимот на Цедевита кој е несовладлив со четири триумфи по исто толку кола во регионалната АБА лига. Хрвватите постојано доминираа и на крајот славеа во Загреб со 77:67.

На претсезонските натпревари на Бруклин Нетс, не и тргна баш најдобро на маскотата со забивање, но барем успеа да направи нешто што тешко дека ќе и успее на некоја друга.

Македонскиот кошаркарски шампион дебитираше со пораз во Еврокупот. МЗТ загуби на гостувањето кај летонскиот шампион Рига во првото коло од второто по ранг клупско кошаркарско натпреварување во Европа.

Српската кошаркарска легенда, Владе Дивац ја состави својата идеална петорка со најдобри европски играчи кои настапувале во НБА лигата.