Перо Антиќ одигра 7 минути и 50 секунди на отворањето на 68-та сезона во НБА лигата, но остана без поени при поразот на Атланта од Далас со 118:109. Антиќ имаше по еден неуспешен шут за два и три поени, а оствари и два скока.
Кошаркарите на Атланта се држеа во првото полувреме, но во третата четвртина Далас направи серија од 17:4 и ја презеде контролата на паркетот, за на крајот да ја забележи 21-та победа на 29-от меѓусебен дуел.
Најефикасен во редовите на Атланта беа Џеф Тиг со 24 и Пол Милсап со 20 поени, а кај Далас се истакнаа Елис со 32 и Новицки со 24 поени.
Во сабота наутро во 00:30 часот по наше време, Атланта ја пречекува екипата на Торонто Репторс.
На денешните натпревари беа забележани следните резултати:
Кливленд - Бруклин 98:94
Филаделфија - Мајами 114:110
Торонто - Бостон 93:87
Детроит - Вашингтон 113:102
Њујорк - Милвоки 90:83
Њу Орлеанс - Индијана 90:95
Хјустон - Шарлот 96:83
Минесота - Орландо 120:115 (103:103)
Далас - Атланта 118:109
Сан Антонио - Мемфис 101:94
Јута - Оклахома Сити 98:101
Феникс - Портланд 104:91
Сакраменто - Денвер 90:88
Голден Стејт - ЛА Лејкерс 125:94
