Екипата на Јута Џез е единствена без победа во НБА лигата откако Денвер Нагетс го забележаа првиот триумф оваа сезона и тоа против Атланта Хокс.
Кошаркарите на Атланта го презедоа водството во последната четвртина и имаа предност од осум поени, но домаќините направија голема серија и во последната минута поведоа со 107:102.
На седум секунди до крајот Денвер водеше со 109:107, а Атланта имаше напад за израмнување или победа, но Милсеп и Хорфорд промашија и резултатот остана непроменет.
Перо Антиќ одигра нешто повеќе од 20 минути за кои постигна две тројки од пет обиди, а реализираше и едно слободно фрлање. Тој оствари и четири скока, една асистенција и две блокади.
Во недела наутро во 1:30 часот по македонско време, Атланта ќе ја пречека екипата на Орландо Меџик.
Резултати:
Мајами - ЛА Клиперс 102:97
Хјустон - ЛА Лејкерс 98:99
Денвер - Атланта 109:107
