Македонија продолжува со напредокот на ФИФА ранг листата. На последното рангирање, фудбалската репрезентација на Македонија напредуваше за пет позиции и се искачи на 73-то место.

Римокатоличката црква доби нов папа, а на медиумите не им требаше многу време да прочепкаат низ минатото и да ги дознаат сите детали за Хорхе Бергољио, па дури и за кого навива. Фрањо I е голем навивач на Сан Лоренцо, а има тренирано кошарка.

Фудбалерите на Баерн Минхен имаа огромна предност по првиот натпревар во Лондон, но малку фалеше да ја прокоцкаат. Дебитантот Малага успеа да го победи Порто со 2:0 и избори историски пласман во четврт финалето на Лигата на шампиони.

Арсен Венгер често пати е критикуван од англиските медиуми поради начинот на кој го гради тимот кој не носи успеси веќе 8 години. Со најквалитетните играчи кои ги имаше во 2005 година и со кои го освои последниот пехар, можеше слободно да состави два тима од кои повеќето беа врвни играчи.

Запознајте ги девојките од фудбалскиот клуб Керфили Кесл од Велс. По 10 одиграни натпревари тие се на последното место во женската Премиер лига на Велс со гол разлика -218 и во моментов се најлошиот женски фудбалски тим на планетава.

Голчиштето од слободан удар ни доага од Парагвајското првенство, а мајсторот се вика Фидел Пино кој со ова ремек дело е најзаслужен за победата на Депортиво Капиата на гостувањето против Серо Портењо. Од ефето со кое се движеше топката очекувано најмногу се збуни голманот.

Кардиналите на Римокатоличката црква ја продолжија конклавата во Ватикан за избор на нов папа, а синоќа Барселона го победи Милан со 4:0. Овие факти се дел од најневеројатниот статистички податок во фудбалот.

Натпреварите Арсенал-Баерн Минхен и Малага-Порто ќе ги дадат последните два патника во големата осумка од Лигата на шампионите. Топџиите имаат негатива од 3:1 по првиот дуел на „Емирати", а Порто има минимални 1:0 против дебитантот во ова натпреварување.

Група навивачи на Галатасарај кои немале среќа да стигнат до влезница за натпреварот против Шалке, биле фатени како копаат тунел во обидот да влезат на стадионот во Гелзенкирхен.

Катарците имаат желба да станат светска сила во фудбалот и ќе ги искористат своите потенцијали (читај пари) да си ја исполнат желбата. Го добија (читај купија) Светското првенство во 2022, а сега сакаат да си направат лига во која ќе играат најдобрите 24 фудбалски клубови од светот.

Поранешниот дефанзивец на Ливерпул, Џими Траоре постигна прекрасен гол за Сиетл на натпреварот против Тигрес во рамките на Лигата на шампиони на Северна и Централна Америка. Верувале или не, ова е прв гол во кариерата на Траоре на официјален натпревар.

Барселона е првиот тим кој успеал да се врати по негатива од 2:0 во Лигата на шампионите и со двата гола на Меси, Виља и Алба го декласираше Милан со 4:0, резултат кој ги одведе во четвртфиналето. Сензација на гостински терен направи Галатасарај кој со 3:2 го победи Шалке.

Верен навивач на англискиот клуб Кардиф Сити кој е на челната позиција во Чемпионшип лигата, на мудар начин го измами газдата Винсент Тан кој сакаше да го смени името на клубот.

Најуспешниот тренер во историјата на англискиот фудбал реши да го спаси од финансиска криза шкотскиот второлигаш Данфермлин, клубот со кој тој го имал потпишано првиот професионален договор и каде настапувал пред скоро 50 години.

Највозбудливото клупско европско натпреварување вечерва ќе ни открие кој гигант ќе се радува, а кој од Милан и Барселона ќе го напушти Камп Ноу со наведнати глави. Голема неизвеснот нуди и втората пресметка на „Гелзенкирхен" каде Снајдер и Дрогба ќе се обидат да го сопрат домаќинот Шалке.

За време на нисколигашки дуел во Грција се случи најнесреќниот обид на фудбалски натпревар. По шутот на малерозниот фудбалер, топката ја удри рамката на голот 4 пати.

На илјадници километри од Торино, италијанскиот шампион има верни навивачи какви што секој клуб посакува да има на својот стадион. Фановите на Јувентус од Индонезија се собираат во огромен број за заеднички да следат натпревари со пропратна кореографија и пиротехника.

На плавушите очигледно не им оди на спортските манифестации. Еднаш постиравме момент од фудбалски натпревар на кој девојката со плава коса последна сфати дека топката не влезе во гол, а сега се појави една друга мома која реши да прекине бејзбол натпревар.

Селекторот на македонската фудбалска репрезентација Чедомир Јаневски го објави списокот на фудбалери за квалификацискиот натпревар за Светското првенство 2014 помеѓу Македонија и Белгија, кој ќе се игра na 22 март на арената „Филип Втори".

Јоан Кабај од Њукасл и онака има опасен шут, па ако си голман кога тој треба да изведе слободен удар од работ на шеснаесетникот, последно нешто што ти треба е некој да ти се глупира пред тебе. Голманот на Стоук, Асмир Беговиќ се обиде да го игнорира Стивен Тејлор, но не успеа.

Иако Ајакс е еден од клубовите со најдобра стратегија за создавање на млади таленти, новото освежување за „Лалињата" доаѓа од Феенорд, кој сезонава доби брзо актрактивно крило. Жан Пол Боетиус има само 18 години, а пред една недела беше двоен стрелец на гостувањето против Нец.

Овој пример во англиската Чепмионшип втора лига покажува дека црвените картони понекогаш се делат и за најбизарни работи. Ешли Барнс од Болтон е можеби единствениот фудбалер кој предвреме замина во соблекувалната поради мала невнимателност врз судијата.

Викендов цела Германија заборави на Баерн Минхен. Во саботата се одигра натпреварот помеѓу Шалке и Борусија Дортмунд, жестокото дерби на областа Рур кое прерасна во најголемо ривалство во цела Германија.

Уште една комична сцена од казахстанскиот фудбал. Овој пат на „македонското дерби" помеѓу Тобол на Никола Тонев и Астана на Филип Ивановски. Домаќините победија со 5:1, а еден од головите беше постигнат од пенал, но со многу мака.