По строгиот Шкотланѓанец кој скоро три декади беше главна фаца на „Олд Трафорд", Црвените „Ѓаволи" добија уште построг тренер кој е и негов сонародник. Кога Бекам почна да се прави фраер, Фергусон му ја пукна аркадата со копачка и го набрка, а од напорните тренизи на Мојс фудбалерите повраќаат.

Бразилецот од редовите на Баерн Минхен пред неколку недели го подигна пехарот од Лигата на шампиони, но тој за малку немал да стане професионален фудбалер ако не го жртвувал својот плејстејшн.

Сезоната 2012/2013 ќе остане запаметена по многуте прекрасни голови постигнати на фудбалските терени, а некој се помачил и направил видео компилација со најдобриот 101 погодок сортирани по хронолошки редослед. Уживајте!

Најкомичниот автогол, најголемата мешаница во шеснаесетникот, парекселанс мајсторијата во футсал, мајтапењето на Ван Перси со децата, финтата на Марио Ѓуровски... Се што беше најинтерсно и објавуваме во текот на целата сезона „Гардијан" го спакувал во два дела. Уживајте.

Избранците на Чедомир Јаневски и покрај поразот на пријателскиот натпревар против Шведска, бележат напредок од шест места на најновата ранг листа на ФИФА.

Уште една „што ако" табела на англиската Премиер лига. Ако се избришат сите 179 голови кои биле постигнати по искористена грешка на противникот, тогаш екипата на Арсенал ќе беше шампион на Англија.

Овој гест на хулиган во четвртата полска лига нека биде пример како не треба навивачите да се однесуваат на спортските натпревари. Слично вакво нешто оваа сезона направи и навивач на натпревар во македонското првенство, но не се изглупира волку многу.

Трансферот на играчи ќе биде главна тема во фудбалот ова лето се додека трае крајниот рок кој завршува на 31 август. Газдите на клубовите едвај чекаат да ќарат некое квалитетно засилување без пари, а тоа можат да го сторат во Англија каде на дури 85 играчи им завршуваат договорите.

Спаси го Роверот. Ваква задача доби ова голманче кое рипа како скакулец на сите страни. Не знаеме дали џипот е негов, ама задачата си ја заврши одлично.

Шест навивачи на италијанскиот нисколигаш Про Патрија добија затворски казни за расистичките навреди на фудбалерите на Милан на пријателскиот натпревар во јануари.

Младата бразилска ѕвезда до сега одлично се носи со славата, а тоа допрва ќе треба да го покаже и во Европа. Тајната на неговиот досегашен успех не се должи само на неговиот талент. Професионално и приватно за него се грижат вистинските луѓе кои му помагаат послено да си го трасира патот.

Што имаат заедничко Мата, Хунтелар, Лампард, Чех, Пирло, Канаваро, Фиго, Шукер...? Тоа се само дел од фудбалерите кои се истакнаа на Европските првенства за играчи до 21 година, а денес во Израел започнува 19-то издание на натпреварувањето од кое ќе ги добиеме нивните наследници.

Како изгледаше првото логирање на Мурињо на неговиот Фејкбук акаунт по пристигнувањето во Челси.

Не дека рускиот тајкун не искешира доволно и не го привлече Фалкао со големата плата, но Атлетико Мадрид и самиот фудбалер беа последни кои беа прашани и кои одлучуваа за неговиот трансфер во Монако.

Робин ван Перси постигна најмногу голови во Премиер лигата, но според некои аналитичари тоа не го прави и најдобар стрелец. Својата минутажа на теренот најдобро ја искористил неговиот соиграч Хавиер Ернандез.

Најквалитетно клупско европско натпреварување е се разбира привилегија и уживање за секој фудбалер, но патот за да се биде во друштво помеѓу најдобрите воопшто не е лесен. Овие три имиња сигурно дека заслужуваат да бидат дел од тој собир, а тоа е можно да се случи веќе од наредната сезона.

Кога можат Манчестер Јунајтед, Баерн Минхен, Јувентус... зошто да не и Дакпонд?! Аматерски фудбалски клуб од Англија ја прослави титулата во 16-та лига со шампионска тура во отворен двокатен автобус.

Исфрустрираниот Ибрахимовиќ не можеше да го пронајде патот до мрежата на гоманите Пачовски и Наумовски за време на пријателскиот натпревар против Македонија. Во последните минути од натпреварот тој беше сам пред празниот гол, но не беше проигран од Тоивонен, па Ибра реши да го истури својот бес на пречката и го изгуби овој дуел.

Германскиот стратег кој пред 6 години веќе беше еднаш во пензија и покрај шпекулациите дека ќе седне на "жешкото" столче на Реал Мадрид одлучи да се повлече и да му се посвети на семејството.

Тиери Анри, Златан Ибрахимовиќ, Давид Виља, Алексис Санчез и на крајот бразилската ѕвезда Нејмар. Каталонскиот тим се изнатроши пари за му го најде идеалниот партнер на Меси во нападот. На ред стигна најдобриот играч од Јужна Америка од кој очекувањата се огромни.

Македонија забележа минимален пораз на гостувањето кај Шведска, а стрелец на единствениот погодок беше Александар Качаниклиќ, чиј татко е роден во Скопје, па младиот фудбалер до минатата година можеше да настапува и за нашата репрезентација.

По пауза од три години, во најелитното фудбалско друштво во Италија, кам бек направи Ливорно, тим чии навивачи се препознатливи по нивната левичарска политичка наклонетост која често пати преку разни знамиња и транспаренти ја истакнуваат за време на натпреварите.

Весникот „Гардијан“ петта сезона по ред го бира најубавиот за гол на сезоната. Изборот е огромен, а во конкуренција влегуваат многу мајстории, како на пример ножичките на Ибрахимовиќ и Мексес.

Забавата по повод враќањето на Жозе Мурињо во Челси сумирана во еден анимиран Гиф.