Каират стана втор клуб од Казахстан после Астана во сезоната 2015/2016, кој успеа да влезе во Лига на шампиони. Тоа го стори на најстресен и драматичен начин, преку пенали во дуел со Селтик. Коментаторите ќе треба да земат неколку слободни денови.

Во новата сезона од Лига на шампиони ќе ги гледаме Пафос, Бодо Глимт и Каират, сите три екипи дебитанти во најелитното клупско европско натпреварување.

Плејстејшнот во Европа стигна 1995-та или една година откако го извадија Јапонците. Никогаш нема да разберат новиве тик-ток генерации, која радост беше кога се собиравме после часови дома, кај оној што го имаше овој драгоцен уред.

Алесандро Габриелони е права легенда на фудбалскиот клуб Комо. Не е којзнае колку време таму, од 2018-та го носи сино-белиот дрес но на 218 натпревари постигнал 64 гола и што е уште поважно тој е единствен фудбалер кој дал гол за Комо во Серија Д, Серија Ц, Серија Б и Серија А. Тренерот на Комо Сеск Фабрегас лани во шега рекол дека „Габриелони толку многу го задолжил клубот што сега заслужува статуа да добие“. И добил.

Спремете се за 25 секунди нестварен финиш во финален пинг понг натпревар, кој пазете, го губи Кинез, инаку поранешен светски првак. Цела сала е во делириум, на победникот не му се верува, а на шведско-кинеската пресметка урлаат француски коментатори.

Некогаш се играше касапски, крвнички фудбал и немаше жолти картони за виолетови копачки и залижани фризури. Се смени и фудбалот.

Њукасл и Ливерпул одиграа натпревар за паметење. Во 2. коло од новата сезона во англиската Премиер лига, црвените водеа 0-2, имаа играч повеќе од 50 минути, ама Њукасл израмни на 2-2. Гостите се извадија со гол во длабоко судиско продолжение. Вториот погодок на Ливерпул падна само 20 секунди по почеток на вториот дел па ни тренерот Арне Слот не го виде од соблекувални.

16-годишниот бисер на Ливерпул Рио Енгумоа се најде утрово на насловните страни на многу спортски медиуми откако постигна победнички гол во дербито со Њукасл на гости за триумф 2:3.

Тв прилогот е од 2008-ма, една година пред Томи Стефановски да го преплива Ла Манш и 39 години откако Бојаџи го оствари големиот подвиг, за кој вели дека и било малку страв. И репортерот е во пливачки елемент.

22-годишниот шпански тенисер Карлос Алкараз се пласираше во следното коло на Отвореното првенство на САД ама и ја шокираше публиката во Њујорк кога излезе шишан лустер до глава.

Сезоната во Премиер лига штотуку започна, а веќе во 2. коло се одигра луд натпревар меѓу Њукасл и Ливерпул. Овие два клуба речиси цело лето си праќаат остри пораки околу трансферот на најдобриот фудбалер од лани на Њукасл, Александер Исак. Сега едно младо дете го засени цел тој трансфер.

Ле Хавр против Ленс, француска прва лига. Абе нешто невидено до сега. Како им успеа?

Фламенго ја потопи Виторија со 8:0. Хет-трик на 28 годишниот Бразилец Педро кој постигна гол со кој слободно може да се фали по другари и да си го пушта по неколку пати пред спиење. Јак финиш мајсторе.

Македонскиот маратонец, Евгениј Поп Ацев, испиша уште една убава страница во историјата на македонскиот спорт и направи голем подвиг во незгодниот канал помеѓу Франција и Велика Британија.

Фановите на НБА секоја година гласаат во изборот за најдобра асистенција на сезоната и кој знае колку им е тешко, бидејќи човек само од оние на Јокиќ не може да избере. Најмногу гласови доби Србинот за пасот до Арон Гордон на средбата против Милвоки Бакс. „No-look“ е она што најмногу пали во Америка.

Данил Медведев направи триста глупости и се соочи со елиминација на УС опен уште во прво коло. Загуби од Французинот Бенажмин Бонзи со 3-2. Но и покрај сè што се случи на мечот, не смее да се прерипа овој негов поен. Маестрално одиграно.

Во Скопје имаат гостувано многу големи екипи, како Реал Мадрид од Шпанија, Ливерпул и Манчестер Јунајтед од Англија, Рома и Милан од Италија. Еднаш беше и Лацио, а домаќин му беше Работнички.

Да, растојанието е 8 метри, а брзината на ударот е 144 километри на час. Клипот е од дрим тимот на Реал. Јадните на жив ѕид подобро да се тргнеа и тоа со се голман.

Српските кошаркари утрово полетале за Рига, во Летонија каде ќе ја играат групната фаза од Европското првенство 2025. Турнирот ќе се игра во 4 земји: Летонија, Кипар, Финска и Полска. Ќе настапат 24 најдобри селекции од Европа.

Летово пишувавме дека во САД игра Американец со македонско потекло, кој стана 20-ти играч во МЛС кој постигнал најмалку 4 гола на еден меч. Дресот на Сан Диего пред 20 дена го замени со оној на Филаделфија. Статистиката во американскиот фудбал му е 10 гола и 4 асистенции на 17 настапи. Мечот против Чикаго го заврши со гол и асистенција, како и награда „Man of the match“ со оценка 9.2.

Во дербито на колото во Премиер лига на БиХ, Борац Бањалука со 5-1 го торпедирал Сараево, клуб за кој игра поранешниот капитен на македонската репрезентација Стефан Ристовски. Резигниран од поразот и незадоволен од судењето, Риле после мечот на својот Инстаграм профил објавил фотографија со натпис: „Добродојдовте во аматерската Премиер лига. (Да живее Тито)“. Набрзо го избришал објавеното ама сигурно нема да избегне казна од фудбалскиот сојуз на БиХ. 

Данил Медведев, некогаш најголема надеж на светскиот тенис, играч кој им пружаше најголем отпор на Надал и на Новак Ѓоковиќ и освои еден Грен слем, во последно време е тотално непресметлив. Со хистерични испади и диви инциденти на теренот покажува дека не му е веќе до тенис. На последните три Грен слема испаѓа во 1. коло од анонимни тенисери а фрустрацијата му е сè поголема.

Во саботата вечер се судриле хулигани од групите „Бед Блу Бојс“ кои го поддржуваат Динамо Загреб и „Шкрипари“, навивачи на Широки Бријег, про-хрватски клуб од Босна и Херцеговина. Навивачката пресметка не е поврзана со фудбалски натпревар со оглед на тоа што клубовите на овие навивачи доаѓаат од соседни земји.

Облечен комплетно во црна опрема како некогаш во кариерата, Новак Ѓоковиќ (38) го победи 19-годишниот тенисер од САД Лирнер Тиен со 3-0 по сетови 6:1, 7:6, 6:2 и оди во 3. коло на Отвореното првенство на САД. Ноле игра во добра форма а следен ривал му е 22-годишниот малку познат тенисер од САД, Захари Свајда.