Чупиќ господин: „Не сме ние циркуска екипа, покажете респект“

Ракометарите на Вардар 1961 направија огромен чекор кон освојување на шампионскиот трофеј откако славеа против најголемиот ривал Еурофарм Пелистер 22-27 во 2. коло од доигрувањето за титула во Суперлигата. На последниот тајм-аут, големиот Иван Чупиќ кога натпреварот веќе беше речиси решен, им кажа на ракометарите дека не се „циркуска екипа“ да не прават циркус после мечот односно да не ја провоцираат публиката. И играчите Милан Лазаревски и Гоце Георгиевски ги повторуваа зборовите на Чупко: „Респект, тишина, респект“!