Фудбалерите на Арсенал го освоија првиот трофеј во новата сезона откако со 3-0 го згромија Манчестер Сити во натпреварот за трофејот „Комјунити шилд“ во кој играат победникот на ФА Купот и Премиер лигата од минатата сезона. Во Кардиф на стадионот „Милениум“ стрелци на головите за топџиите беа: Рикардо Калафиори во 23-та секунда, Каи Хаверц во 28-ма и Мартин Едегор во 47-ма минута.

Малиот се вика Џексон Бергман, а настапува за средношколскиот американски тим Рапид Сити Централ. „Дајте му доживотна забрана за играње фудбал и викнете му полиција“, се главните пораки на социјалните мрежи, после ова целосно губење на контрола.

Џеј-Џеј Окоча беше од оние незадолжителни играчи кои излегуваа на терен да играат за свој ќејф. Не го интересираше многу резултатот, ама кога ќе ја земеше топката правеше шоу какво што ретко се гледа. Бразилецот Роналдињо се начека со Окоча во ПСЖ а неколку пати подоцна изјави дека токму Нигериецот му бил идол.

Сантос игра во добра форма. Славеше 3-0 против Васко да Гама во бразилската Серија А, а овој дуел го одбележи новото фудбалско правило кое гласи: ако голман на една екипа побара медицинска помош, капитенот на тимот или кој било друг играч на истиот тим кога играта ќе продолжи, мора да го напушти теренот на една минута. Ова правило се донесе со цел да се спречат голманите „да глумат повреди“ со цел да „крадат“ време.

Актуелниот шампион на Македонија има лош старт. По елиминацијата во квалификациите од Конференциската лига од Лозана со петарда, бележи два порази во првите 3 кола од новата сезона. Вардар загуби дома од Шкендија, по што аргентинскиот стратег Фабијани доби отказ. Синоќа си замина поразен и од Струга со 1:0. Шансата за израмнување на Давид Бабунски од пенал изгледаше вака:

Некој одбранбен фудбалер во бразилска четврта лига толку без осет ја рогнал топката без никаква потреба зошто веќе излегла далеку во гол-аут, што кога топката удрила во глава девојка која фотографирала крај теренот ја онесевестила па ѝ пружале помош.

Во турската Суперлига, Амедспор го победил Ерзурмспор 3-0. Два гола дал Израелецот Саба а едниот погодок му е баш шмекерски.

Само небото е граница за Мондо Дуплантис, човекот кој е претплатен на златни медали во скок со стап.

Бугарија ја совлада Македонија убедливо со 40 поени разлика (102 - 62) на Европското првенство од Б дивизијата за играчи до 16 години, на кое бевме домаќини. Ова ли е тоа на времето што го викавме „бугарски кош“?

На спектаклот УФЦ 330 кој се одржа во Филаделфија, Ислам Махачев го победи ирскиот борец Јан Мачадо Гари. После триумфот Русинот беше мошне емотивен. Тој славеше победа по едногласна одлука на судиите и го задржа шампионскиот појас. Махачев ја запиша 17-та победа по ред со што ја продолжи доминацијата на Русите во овој спорт.

Финалето на Мундијал 2026 меѓу Шпанија и Аргентина (1:0) кое го реши Феран Торес (нов играч на ПСЖ) со гол во 106' минута од продолженијата, уште долго ќе се памети. А ФИФА сега на неколку недели по финалето објави видео од камерата на главниот судија.

Динамо Загреб фуриозно ја почна новата сезона и веќе има 2/2 во домашното првенство и 3 победи во еврокуповите. Играат во баражот за пласман во Лига на шампиони против норвешки Бран. Синоќа против Рудеш славеа 4-0 а младиот центарфор Дион Дрена Бељо постигна два погодоци, еден од пенал и еден со ножички уште во 6' минута.

Шпанецот Родри кој беше прогласен за најдобар фудбалер на светот во 2025-та година и кој беше избран за најдобар играч на Светското првенство 2026, бил сликан како чека во ред со останатиот народ за лет од Мадрид до Ливерпул со нискобуџетната компанија „Рајанер“. Интересно Родри пред неколку дена бил на планината Дурмитор во Црна Гора каде јавал коњи и спиел во тамошните катуни. Тој уште одамна важи за еден од најскромните фудбалери во Европа.

Двајца навивачи на Партизан со сигурност се навивачи на сезоната иако таа штотуку почна.

Дваесет и девет годишниот Бразилец Густаво Хамер е старо-нов фудбалер на новиот премиерлигаш Ковентри. Доаѓа од Шефилд Јунајтед а претходно три сезони веќе беше во Ковентри. Кратко интервју, кој си, што си, каков си?

Бразилски Сантос славеше 2-1 после пресврт против еквадорска Макара а пресвртот го креираше Нејмар со асистенција до некогашниот центарфор на Интер Габриел Барбоса во 44' минута. Во вториот дел Вилиан Арао донесе победа за Сантос кој следната недела ќе оди на реванш кај Макара во Еквадор.

По најавата на првиот човек на српскиот ракомет Божидар Ѓурковиќ, сега потврда стига и од претседателот на македонската ракометна федерација Александар Стефанов. Македонија, Србија и Словенија официјално поднеле кандидатура за домаќинство на ЕХФ ЕУРО 2034.

Судењето по повод смртта на легендарниот Диего Марадона е продолжено во Аргентина, а ново сведочење на судскиот вештак донело потресни детаљи за последните денови и часови од животот на еден од најголемите фудбалери на сите времиња.

Само една година откако Марк Волтер го купи мнозинскиот пакет акции и стана сопственик на ЛА Лејкерс, сега Џош Кушнер, братот на зетот на Доналд Трамп Џаред Кушнер, и поранешниот извршен директор во Дизни Боб Игер го купуваат истиот пакет.

Лео Меси во средата напиша отворено писмо, збогување со татко му кој починал минатата сабота. Тој како никогаш претходно во кариерата емотивно и отворено не се обраќал како во таа објава. Синоќа неговиот Интер Мајами играше против Леон од Мексико и изгуби 3:2 во Лига Купот на Северна и Средна Америка.

Комо е најголема сензација на италијанскиот фудбал. Екипа која во само неколку години од најнизок ранг стигна до Серија А па и до Лига на шампиони. За првпат во историјата ќе играат во елитното натпреварување. Имаат млада екипа, млад тренер (Фабрегас), а сопственици им се најбогатите Индонезијци во светот. Синоќа Комо играше пријателска против Арсенал на „Емирати“, мечот заврши 1-1 а голот за Италијанците кој го даде Мартин Батурина за 1:1 во 43' минута беше врвен.

Познатиот шпански олимпиец во скејтборд Дани Леон направи интересен скок за време на затемнувањето на Сонцето. Тој скокна баш во моментот кога Месечината поминала пред Сонцето. За да добие совршена фотографија тој морал прецизно да го синхронизира скокот со реткиот астрономски феномен.

Годинава во најдобрата шпанска Ла Лига се врати култниот Депортиво А Коруња (го сменија името од Ла Коруња). Овој симпатичен клуб носталгично не враќа на времето кога за нив со голем успех играа Диего Тристан, Рој Макај, Молина, Џалмиња и други. Синоќа на пријателски натпревар наречен „Тереза Ерера“ Реал Мадрид го совлада Депортиво на неговиот Риазор 0-1 со голот на Браим Дијаз во 45+1' минута.