Појак роденденски подарок за Влаховиќ од трансфер во Јувентус, на биоскоп. По четири години престој во Фиорентина и 49 голови на 108 средби, од денеска со наполнети 22 години и официјално е член на Старата дама. Сезонава ја игра фантастично со 17 погодоци на 21 меч, прв на листа заедно со Имобиле.

Затоа, од овие причини го љубиме тој јужно-американски фудбал. Спонтан, неискварен, чист, со емоција. На мечот од квалификациите за Светско првенство во рамки на Конмебол, Чиле ја пречека Аргентина и загуби со 1-2. Гаучосите до победа и осигуран пласман на Мундијал 2022 ги водеа Анхел Ди Марија и Лаутаро Мартинез.

Данил Медведев е втор финалист на Австралија опен откако во второто полуфинале го совлада Стефанос Циципас со 3:1. На Русинот му стана навика да ги вика судиите глупави.

Знаете некој друг шпиц со ваква форма и еластичност на негова возраст? 41 ќе полни годинава.

Во новиот документарец на Нетфликс Soy Georgina, фудбалерот на Манчестер Јунајтед, еден од најголемите на сите времиња, и неговата партнерка раскажуваат за нивното секојдневие.

Привлечно чуден е тој латино-американски свет каде прекарот знае да биде поголем и од презимето.

Еквадор и Бразил одиграа натпревар на кој и двајцата голмани беа настинати во паметот. Додуше Бекер не толку, колку Домингез, кој интервенираше како да не му работи мозокот.

Најтрофејниот клуб во Италија одново ја демонстрираше својата надмоќ над останатите клубови и во ситуација кога сите мислеа дека бјанконерите се во благ финансиски пад, Јувентус изброи 75 милиони евра (67 + 8 бонус) за српскиот центарфор Влаховиќ од Фиорентина кој денес слави 22. роденден.

Конкакаф квалификациите за Светско првенство никогаш не биле поинтересни. Покрај стандардните САД и Мексико кои со години се први или втори, сега сериозно во игра е и Канада која е прва и со 19 бода е на прагот пред пласман на Мундијал 2022. На овој дел од светот има многу интересни средби, како на пример Костарика и Панама кој заврши 1:0 за домаќините. А многу лесно можеше да биде 0-1.

Без Лионел Меси кој остана во Париз да се враќа во форма откако беше позитивен на вирусот, Аргентина го совлада големиот ривал Чиле на гости со 1-2. Ди Марија и Лаутаро Мартинез уште во првиот дел дадоа гол за водство на гаучосите, а Беретон Дијаз во 21’ минута беше стрелец за Чиле. Погодокот на ѕвездата на ПСЖ за отворање на резултатот беше маестрален, во негов стил.

Канада го совлада Хондурас со 2:0 во квалификациите за СП 2022, а херој на мечот е голманот на Црвена Звезда кој на 1:0 направи фантастична парада со која ја сочува предноста.

А потоа не даде гол, туку имаше друго елегантно решение.

И покрај сите проблеми и препреки, во Унгарија и Словачка гледаме убав и атрактивен ракомет. Има јаки изненадувања, а и по некоја фина приказна меѓу младите момци кои им пркосат на старите волци на оваа игра.

Некогашниот шампион на Шпанија и екипа која доминираше во Лига на шампиони против многу гиганти, Депортиво Ла Коруња одамна не може да се пронајде. Сега се први во трета лига и на добар пат да се вратат во сегунда. На нивниот меч против Замора на гости, во 90’ минута Алберт Киљес постигнал гол за победа, па навивачите се спуштија надолу по трибината да прослават гол, ама оградата на тој дел од стадионот „Рута де ла Плата“ попушти.

Има што да се види на ова Европско првенство, ама ептен. Мајсторииве се толку јаки, што како и да ги наредиле во топ листата, немале да погрешат. Изборот е феноменален, а ова е компилација која се гледа повеќе од еднаш.

Селекцијата на Црна Гора го оствари до сега најголемиот успех на големите ракометни натпреварувања, а тоа го препознаа и наградија нивните навивачи, и на првенството, а потоа и дома.

Во англискиот фудбал сезонава имаше неколку епизоди во кои гледач на трибините доживува срцев удар или паѓа во несвест, па само благодарение на брзи интервенции на лекарските служби и прибраните присутни, се избегнуваа немили сцени.

Веројатно една од најголемите лични сатисфакции во НБА лигата е да му ја запелиш на Јанис Антетокумпо во фаца. Актуелен НБА шампион и МВП во финалето. Горд на тоа е 20 годишниот Еван Мобли од Кливленд, а забивањето е прогласено за број 1 на вечерта.

По серијата слаби резултати, Рома врза две победи против Лече (3:1) и Емполи на гости (2:4) и малку ја поправи позицијата на табела па сега зад четвртопласираната Аталанта заостанува само пет бода со меч повеќе. Мурињо прослави 59. роденден со играчите и помошниците во соблекувална.

Исланд, заедно со Црна Гора се најпријатното изненадување на Европското првенство во ракомет. „Рибарите“ направија големо чудо откако ја згромија Франција со дури +8 гола разлика. Но на крајот не стигнаа до полуфинале и за тоа ја криват Данска.

Клипот почнува со ножички ала Пеле, а потоа ја дроби цела одбрана нешто како оној епски гол на Златан во Ајакс, а и така личи со конституцијата спрема другите, како џин. И додека да се свестите од првиве две лудории, малиот Душан ќе ве фрли во транс со уште ред други топ потези, дриблинзи и бомбастични удари. Да потсетиме, 10 години има тука. Какво талентиште.

Не е ова оној славниот Паулињо од Коринтијас, што играше за Барселона и Тотенхем, туку друг од Спортинг. Среќа ја тепаа Санта Клара во португалскиот шампионат со 2:1, инаку ластици за ова се јадат. Срамотилаци.

Олимпискиот првак Франција беше пред тешка задача. На последниот дуел од групната фаза играше против неверојатната Данска. Им требаше само бод за пласман во полуфинале, но во текот на целиот меч губеа со најмалку 4-5 гола разлика.

И покрај тоа што беше натпревар само за престиж и подобар пласман, Хрватска и Холандија одиграа возбудлив и неизвесен натпревар на ЕП. Хрватите ја имаа победата во раце, ама тоа задоволство им го скрати итриот Лук Стеинс ги извади од патики Хрватите и постигна мајсторски гол за конечни 28:28. Хрватска завршува како осма на ова Европско, а Холандија 10-та.