Или па сега најново Александар Митровиќ? Не другари, тоа е Зоте наш, 12 кратниот првак во футсал кој како старее “будалее“ во сала и не знае да постигне нормален гол. Годините му се само бројка.

Сениорите во квалификации за Светско го тепаа Лихтенштајн 5:0, па следниот ден на турнир во Анталија се отворија и младите до 21 година и ги потепаа Бугарите со 5:1. Ама тоа ти е соседско дерби, кое му дава на човек инспирација да си поигра на Фејсбук и за осетливи теми.

24 часа по демолирањето на Лихтенштајн, Македонија наполни уште една селекција со 5 комада, а овој пат протагонисти беа младите до 21 година кои на турнир во Анталија и направија потот на Бугарија У-21 со 5:1. Стрелци: Марио Илиевски, Томче Гроздановски, Методи Максимов два гола и автогол на Мартин Дичев. Момците на Благоја Милевски удрија славенички на песна.

Селекцијата која е на последното 210-то место на ранг листата на ФИФА загуби дома 0:3 од Унгарија во квалификациите за Светско, ама има голман кој синоќа ја направи одбраната број 1 на вечерта. Се вика Елиа Бенедетини и брани за третолигашот Чезена. Секоја чест за парадава.

Плус и нинџа ако имаш тренирано...Хаос е клипов.

Со подробни анализи и тестови, холандската кралска фудбалска федерација прави експерименти и враќа публика на стадионите, со цел да го врати нормалниот живот.

Што се смеете? Ај да ве видам да ги промашите сите на тикет. Пардон на четири тикети и тоа во еден ден.

Да се вратиме на убавите работи поврзани за македонската фудбалска репрезентација која синоќа го доби вториот најдобар стрелец во историјата, а тоа е Александар Трајковски кој исто така ги славеше головите пред камера ама покажувајќи срце.

Македонскиот селектор Игор Ангеловски одлучи да го казни Илија Несторовски за неадекватната прослава после постигнувањето на голот против Лихтенштајн.

Илија Несторовски ја утна со прославата на голот и свесно пцуеше во камера по што уште повеќе го навлече гневот на јавноста која го критикуваше за утките против Романија. Тој тврди дека навредата била упатена кон тројца, ама па сега што е со втората пцовка и кои се клошарите?

Ама сега и вие сте ненаситни. Петарда пукате, секој втор напад гол ви беше во второ, па уште се загревате за трето полувреме. Ајде дома да одморите за Германија, завршена е оваа.

Македонската фудбалска репрезентација ги освои планираните 3 бода против аутсајдерот во групата кој немаше што да бара на гостувањето во Скопје. Добра партија на Трајковски кој за три минути даде два гола. Паненка на Нестор.

Втор настап на Ибрахимовиќ по кам бекот за репрезентација по пет години и повторно асистенција со стил, овој пат до Аугустинсон за водство на Шведска против Косово од 0:1.

Само 7 минути игра и беше потребно на македонската фудбалска репрезентација за да го отвори резултатот против аутсајдерот Лихтенштајн. Сите мислеа дека Барди ќе нафрла, а Енис биеше директно во гол и го фати неспремен голманот на гостите.

Србија и Португалија одиграа супер натпревар со 4 гола во квалификациите за Светско првенство. Во последните секунди од мечот Кристијано Роналдо постигна чист гол, ама линискиот и главниот судија проценија дека капитенот на Србите Стефан Митровиќ навремено ја исфрлил топката во аут. Роналдо нервозно тргна да го напушта теренот, пцуеше и ја фрли капитенската лента на земја.

Фудбалската федерација на Македонија на својата Фејсбук страница се пофали со новиот брендиран автобус кој ќе ја превезува репрзентацијата. На автобусот го има слоганот „Сега е наше време“, а има и лого на рис кој веќе го има на друго место, речиси идентичен, така што оддава впечаток дека идејата е неетички преземена.

Вечерашниот противник во второто квалификациско коло за Мундијалот во Катар ни е редовен пациент, а последен пат игравме против нив во групната фаза од Лига нации. На Градски славевме 4:1, а најубавиот момент на мечот беше оваа акцииште преку кое го отворивме резултатот.

Голема судиска неправда и се случи вечерва на Португалија во второто квалификациско коло за СП 2022. Водеа 0:2, па Србија стигна до израмнување, а на Роналдо во 93-та не му признаа чист гол. Проблем плус е што во квалификации нема ни ВАР ни гол технологија, инаку глатко ќе се решеше ситуацијава.

Селекцијата на Драган Стојковиќ Пикси со карактер и се спротивстави на Португалија која во Белград допатува со Кристијано Роналдо и Бруно Фернандеш, а посебно внимание заслужува акцијата која ја направија за израмнување.

„Нашето наследство е чисто македонско и нашата култура е македонска“, рече во едно неодамнешно интервју Жак Груевски, кој е претседателот на Престон Лајонс, клуб формиран од македонски иселеници во 1947-ма.

Целосно ја разбираме реакцијата на коментаторов. Исто и Зоран Михајлов беше позитивно шокиран во Саутемптон, а сите ние на тој епски корнер на Шаќири. Овој некако уште почуден лоб.

Кога веќе носталгично се враќаме на тема скопско Кале и атмосферата што ја правеа навивачите на Вардар, чесно е да се напомене и можеби најдобриот амбиент во сала кога станува збор за ракометни натпревари.

Се работи за мечот РК Вардар - Караш Северин од Романија одигран на 26 март 2011-та кој Црвено-црните го добија со 28:22. Шоуто на Комити стартува на улица со кортео и пиротехника, а продолжува со пеколно темпо во ракометниот храм. Многу јако навивачко издание.

Со 80% посед на топка и 849 прецизни додавања да имаш само два шута кон гол, значи нешто не ваља. Плус Шпанија си, а играш против Грција. Несфатлив податок.