Во аргентинската втора лига, Белграно е апсолутен лидер со 77 бода после 33 натпревари и е на прагот да се врати во првата елитна дивизија. А како и не би биле лидери кога имаат вакви навивачи.

Фудбалерите на ПСЖ со 0-1 со гол на Меси во 5’ минута славеа на гости кај Лион во големото дерби на француската Лига 1 и после 8 кола имаат учинок од 7 победи и 1 реми со гол разлика 26-4. Со 22 бода ПСЖ е лидер пред Марсеј кој има два помалку. Лионел Меси сезонава е оној стариот, препознатлив, врвен. Нејмар е прв стрелец со 8 гола, Мбапе има 7 во Лига 1 а Лионел и Нејмар имаат по 7 асистенции.

Со триумф на Шпанија над Франција 88-76 во големото финале, заврши 41. издание на Евробаскетот 2022. Гледавме сјајни дуели, интересни средби, јаки битки кои го одржаа логорскиот оган на романтичната европска кошарка.

Месец на фудбалски глумци, ама врвни кои веќе од смешни почнуваат да стануваат и банални. Ова е трета по ред од ваков ранг, а ја режира Џасер Кмири од Тунис кој настапува за Сан Антонио во втората американска лига. Мора да има казни за вакви трагикомичари.

Реал Мадрид го доби Атлетико со 1:2. Потег број 1 од големото градско дерби е дуелот Карвахал - Гризман, а воедно и инспирација за твитерџиите кои изработија клип за мајтапење.

Пред големото мадридско дерби меѓу Атлетико и Реал, се отвори голема дебата зошто капитенот на домашните, Коке изјави дека Винисиус Жуниор би можел да има неволја ако реши евентуален гол да слави како што слави со танц. А менаџерот Педро Браво рекол: „Во Шпанија ти треба да ги почитуваш ривалите и да не изигруваш мајмун“. На ова скокнаа сите Бразилци, се огласи и Нејмар, му дадоа поддршка на Винисиус.

Милан викендов го забележа првиот пораз сезонава во Серија А од Наполи со 1:2. На 5 минути до крајот пропуштија шанса која сите ја видоа во гол. Шутираше дефанзивецот Пјер Калулу.

Малерот ни доцни со тикетите и ни пиша дека му се од минатата недела, ама ќе го објавиме. Па барем на еден да бил добитен поради упорноста, мајко му.

Швајцарскиот тениски ас и официјално ќе се одјави од тенисот на Лејвер Купот во Лондон, каде на ревијален натпревар ќе играат тимот на Европа и тимот на светот од 23 до 25 септември. Имаме кусо видео токму од овој турнир во 2019-та. Погледне како му одигра на Ник Кирјос и слушнете го ехото на публиката.

Рома под водство на Жозе Мурињо игра топло-ладно сезонава, исто како и лани. После 7 кола имаат 4 победи, 1 нерешена и 2 порази со гол разлика 8:7 и 13 освоени од можни 21 бод. Заостануваат 4 бода зад лидерот Наполи. Во неделата на мечот Рома - Аталанта (0-1) на ниво беа само навивачите на „волчицата“. Преку 70.000 грла ја викнаа клупската химна а трибините беа обоени во боите на Рома.

Кошаркарскиот доктор Серџо Скариоло стана првиот кој ги обединил светската и европска титула. Во 2019-та го крена пехарот наменет за светски шампион, а во неделата вечер по четврти пат стана шампион на Европа со Шпанија. И тоа со играчи кои ретко кои ги слушнал некаде.

Чудни се понекогаш судиските одлуки, било да се тоа со ВАР или не. Во француската трета лига, голман се загреваше пред пенал на малку потемпераментен начин и на крај доби црвен картон, а таман се потсмири.

Итан е толку млад, што треба да биде среќен што воопшто го има на Википедија и треба да биде пресреќен што доби шанса за настап во Премиер лига. Ниту еден друг играч роден 2007-ма не настапил во топ 5 лигите во Европа. Уште не бил роден кога Зидан се пензионираше.

Шпанија дојде на Европско без голема галама, беа сместени на 8. место на листата најголеми фаворити за злато. Речиси никој не веруваше дека екипа составена од претежно анонимни кошаркари, засилена со натурализираниот Американец Лоренцо Браун ќе може до самиот врв. Докторот на клупата, Серџо Скариоло ги разубеди сите и покажа зошто е број еден европски тренер во моментов.

Мечот на Ница против Анжер ќе се пишува во фудбалските книги. Започна надреално за домаќинот зошто во првиот напад на гостите, Жан-Клер Тодибо жестоко фаулираше противнички фудбалер и во 9-та секунда доби директен црвен картон.

Во Аргентина на дербито Банфилд - Ланус, гостите славеа 1-2, а мечот покрај црвениот картон на домашниот играч Арон Факундо Квироз, го одбележи и главниот судија кој во еден момент покажа жолт картон на четврорица фудбалери во две секунди.

Вили Хернангомез е прогласен за МВП на Европското, ама внимавајте што правеше во финалето брат му кој постигна 27 поени од кои дури седум тројки од девет обиди. Само во втората четвртина Хуанчо Хернангомез беше немилосрден со шест тројки во шест минути.

И покрај тоа што не беа меѓу главните кандидати за титулата на ова првенство, сепак Шпанците блеснаа од сенка и со триумф над Франција стигнаа до европската титула број 4. Селекторот и капитенот ги избањаа од глава до петици.

Со 5 гола уште по првите 5 кола, македонскиот напаѓач ги придоби навивачите на шкотскиот прволигаш кои најдоа доста добар начин како да го мотивираат уште повеќе. Му посакуваме многу голови и за репрезентација. Македонија на 23 септемвтри гостува во Грузија, а на 26-ти ја пречекува Бугарија.

Аталанта ја скроти Рома на Олимпико со 0:1, а Жозе Мурињо во второто полувреме беше исклучен. Португалецот се изнервира поради прекршок врз Заниоло од кој очекуваше пенал и потоа побудале. Прво влета на терен да се објаснува, а потоа неконтролирано го пцуеше судијата, па дури и му се сипа.

Динамо Загреб ја совлада Локомотива со 1:2, а Аријан Адеми го отвори резултатот по само 6 минути игра откако одлично се снајде во шеснаесетник. Македонскиот репрезентативец игра во топ форма во пресрет на последните два дуели од Лига на нации против Грузија и Бугарија. Сезонава има 4 гола и 2 асистенции, а беше прогласен и за најдобар играч на мечот против Челси.

Тимот на Макс Алегри е дефинитивно во криза откако денеска стигна до петти меч без триумф. Има два порази во ЛШ од ПСЖ и Бенфика и нерешено со Фиорентина и Салернитана. Кулминацијата им е денешниот пораз од новиот прволигаш Монца кој ја слави првата победа во Серија А од 1:0.

После седум одиграни кола во германската Бундеслига, Баерн Минхен никако не може да ја пронајде формата. Имаат 3 победи, 3 нерешени и 1 пораз кој синоќа им го нанесе Аугзбург со голот на Мергим Бериша во 59' минута. Баварците имаа 19 шута од кои 6 во рамки на противничкиот гол а на крајот во последни секунди можеше да ги спаси капитенот Мануел Нојер. Јунак испадна домашниот голман Рафал Гикјевич со бравурозен рефлекс.

Џенаро Гатузо ја презема Валенсија неодамна и веќе разви добар однос со навивачите на „Месталја“ каде секогаш има амбиент каков што е карактерот на Италијанецот, жустар и жесток. Валенсија на домашен терен ја оствари и третата победа сезонава, падна Селта Виго со 3:0 а при вториот гол на „лилјаците“ Гатузо дрмаше еден навивач на трибините.