Јувентус покажа дека е најсилен кога е најпотребно. Откако на „Старата дама“ и одземаа 15 бода, бјанконерите се обединија и врзаа многу важни триумфи во Лига Европа и во Серија А.
Во неделното вечерно мега дерби со Интер на „Џузепе Меаца“, Јуве славеше 0:1 со голот на Филип Костиќ во 23’ минута. Но во претходница на истата акција, имаше спорен момент откако Адриен Рабио и Душан Влаховиќ наводно играле со рака, а главниот судија Кифи не досуди ништо.
La acción de la posible mano de Rabiot antes del 0-1 de Kostic (#Juventus) en #InterJuve.
— Mario Gago Huerta (@gago_mario) March 19, 2023
Inzaghi (#Inter): “Gol inadmisible con el VAR, es una falta de respeto. Dicen que no hay imágenes y yo he visto al menos 20. Es muy grave”
pic.twitter.com/h76cNUSVms
Јувентус до крајот од мечот ја сочува предноста, го одбрани својот гол и однесе три бода од тешкото гостување. По крајот на мечот во голем метеж на теренот меѓу играчите, Паредес и Д’Амброзио добија црвени картони поради физичка пресметка.
— Juve Canal (@juve_canal) March 19, 2023
Бурни реакции на судењето после дербито имаше и Симоне Инзаги.
„Се случи нешто многу сериозно. Да се прими ваков гол во време на ВАР е неприфатливо. Уште потешко е да се сфати објаснувањето дека нема снимка. Лути сме и бараме одговори. Ова е скандал!“, изјави Инзаги.
А Алегри од другата страна рече:
„Судиските одлуки мора да се прифатат на овој или на оној начин. Не правевме драма кога бевме оштетени во Салернитана, а веќе имавме и поништен гол против Интер кога не беше јасно кажано дали беше игра со рака. Јувентус е џентлмен во оваа ситуација, не прави проблеми. Зборете за фудбал, не за судии“.
Beautiful volleyball movements by Rabiot and Vlahovic in their build up to the goal.
— 👑🐉 Perisnitch (@snajaths) March 19, 2023
Obviously only one team plays a different sport in the league, different rules. pic.twitter.com/xLO0q3N7Dp
Кај Јувентус имаше и невообичаен момент со измената на Федерико Кјеза кој влезе во игра во 67’ минута наместо младиот Аргентинец Суле, но веќе во 83-та минута мораше да излезе надвор поради повреда. Италијанскиот репрезентативец одигра само 17 минути.
После мечот Алегри за состојбата на Кјеза рекол:
„Има тендинит кој го мачи во последно време. Малку е исплашен, но ништо сериозно во моментов“.
Интересно, голот на Филип Костиќ беше 100. јубилеен погодок за Јувентус на гостувањата кај Интер во Серија А. Ова е втор најдобар резултат после Милан кој постигнал 117 погодоци кога Интер бил домаќин.
Сега во Серија А табелата е интересна како никогаш во последните десетина години.
Наполи (71 бод) е убедливо прв со 19 бода предност пред второпласираниот Лацио кој има 52. Интер (50) е трет, Милан (48) е четврти, Рома (47) е петта, Аталанта е на шесто место со 45 бода а Јувентус има 41 освоен бод и е седми.
