Се работи за меч од групната фаза во ЛШ пред 13 години, на кој Пандев играше за Интер, а Модриќ за Тотенхем. Се појавува млад, надежен, екстра брз и експлозивен бек кој после овој настап станува напаѓачко откритие за кое Реал три години подоцна ќе плати 100 милиони евра.

На 31-ви декември, Депортиво Ла Коруња, некогашниот шампион на Шпанија кој палеше и гасеше по Европа, објави за трансфер на Лукас Перез. Центарфорот потпишал шест месечен договор до крајот од сезоната.

По само 13 натпревари и 3 гола за Лос Анџелес во МЛС каде ја освои титулата, Герет Бејл неочекувано стави крај на кариерата на 33 години. Ја стартуваше во Саутемптон (2005-2007), почна да гази во Тотенхем (2007-2013) и потоа блесна во Реал Мадрид каде направи 100 милионски трансфер.

Милан имаше водство против Рома од 2:0, ама во 87-ма и 93-та Рома стигна до конечни 2:2. На некој му текнало да сними и една ваква сцена за време на израмнувањето.

Со победите во 91-ва против Салернитана и во 86-та против Удинезе, Јувентус успеа да ја задржи одличната серија и оваа година и да стаса до втората позиција на -7 до Наполи. Интересна ситуација беше забележана во судиското продожение на мечот против Удинезе. Алегри урлаше по играчот со број 30, а тоа е 19 годишниот Матијас Суле и му гестикулираше покажувајќи му накај корнер знамето. Дури успеа и жолт да заработи.

Неверојатно но вистинито. Во реонот Пуља, во група Б од тамошната петта италијанска лига, на провинциско дерби меѓу Ноичатаро и Кастелана во неделата, шпицот на гостите Рикардо Сабатели во 18’ минута шутираше далеку покрај голот но судијата Романо од Лече го признал. Цели осум минути домашните протестирале. Овој гол на кра јбил победнички за гостите.

Англискиот шампион во рок од четири дена, два пати го совлада Челси. Прво 0:1 во Премиер лига, па 4:0 во ФА Куп. Сините не знаат кај тераат сезонава. Елиминирани се од ФА Куп и од Карабао Куп и плус во првенство се 10-ти на табела со само 7 победи по 17 кола. Погледне како момците на Пеп си ги играа синоќа при третиот гол.

На Синиша му се врати леукемијата и замина на 16 декември на 53 години, а на Џанлука ракот и почина на 6 јануари на 58 години. Нивниот поранешен клуб Сампдорија ги стави нивните имиња на дресовите на мечот против Наполи. Станковиќ се појави на терен со синовите на Михајловиќ.

Фудбалерите на Интер на два пати водеа на гостувањето во Монца, но на два пати домаќинот се враќаше. Вториот пат израмнија во 90+3’ минута по автоголот на Думфрис и го спречија гостинот да ги освои сите три бода. Интересно пред мечот неколку илјади навивачи на Интер со веспи организирано патуваа во Монца (20-ина километри од центарот на Милано, 40-ина минути пат).

Новак Ѓоковиќ го освои турнирот во Аделаида и ја прослави 92. титула во кариерата со што се израмни со Рафа Надал. Во големото финале на турнирот во Австралија кој се игра како загревање за Отвореното првенство на Австралија, Ѓоковиќ го победи Американецот Себастијан Корда во три сета: 6:7, 7:6, 6:4.

Барса славеше 0-1 кај Атлетико Мадрид и се осамостои на чело на табелата после поразот на Реал Мадрид во Виљареал. Најзаслужен за триумфот на Каталонците беше уругвајскиот стопер Араухо кој во 90+4’ минута од судиско продолжение со пета спаси чист гол за Атлетико на гол линија.

Дефанзивецот на Монца, Лука Калдирола извади 2:2 против Интер со гол во 93-та минута. 78 годишниот Адриано Галијани урлаше како во старите добри времиња. После 31 година и 29 трофеи тешко се менуваат некои навики, плус противникот се вика Интер.

Во големото дерби на шпанскиот фудбал, Барселона на гости со 0-1 го совлада Атлетико во Мадрид и се одвои на чело на табелата, пред Реал Мадрид кој во саботата изгуби 2-1 од Виљареал.

Со пораз од Хрватска и победа над Израел викендов, македонската ракометна репрезентација ги заврши последните контролни средби пред Светското во Полска и Шведска. Дејан Манасков изгледа уште го држи расположението од ревијалниот меч во Борис Трајковски, зачинет со еден куп атракции.

Како нивен поранешен играч, Перо Антиќ отворено кажува дека е и голем навивач на Црвена Ѕвезда, Олимпијакос и Фенербахче. Српскиот клуб синоќа му гостуваше на МЗТ Скопје и го совлада 57:80 во 14 коло од АБА лигата. Првиот човек на КФМ, овој пат не се појави со дуксер на Ѕвезда, но и покрај тоа навивачите во Јане Сандански спремни го пречекаа.

Со исклучок на дуелот против Специја, Елиф Елмас на сите други четири меча како стартер за Наполи ја оправдува првотимската улога со гол или асистенција. На мечот против Сампдорија за прв пат му дадоа да шутира од пенал, а тој приликата ја искористи на перфектен начин.

Откако поради настинка пропуштил неколку тренинзи, Дончиќ синоќа се врати на паркетот и го водеше својот Далас до триумф 127:117 над Њу Орлеанс Пеликанс. Мавси фаќаат одличен ритам кој може да им донесе место меѓу првите четири на крајот што значи и предност домашен терен во плејофот.

За мечот од трета рунда во ФА Куп со Вулверхемптон, Клоп се реши за полн состав и најдобрите играчи кои му беа на располагање зошто „волците“ во пар наврати го елиминираа од истиов Куп. Ливерпул иако водеше со головите на Салах и Нуњез, на крај се спасуваше. Гостите израмнија на 2-2 па поведоа со гол во самиот финиш но судиите им го поништија поради офсајд иако ниту еден агол не покажа дека има офсајд.

Фудбалерите на Виљареал му го нанесоа вториот лигашки пораз на Реал Мадрид со 2:1. Во последната 98-ма минута, кралевите во обид да израмнат тргнаа во напад со се голман. Арнаут Данјума тоа не го искористи за 3:1 и го оствари едно од најголеми промашувања на сезоната, а имаше празен гол и слободен соиграч.

Манчестер Јунајтед го совлада Евертон со 3:1 и ја продолжи победничката серија. Давид Де Хеа се сплетка како никогаш пред гол и го прими веројатно најсмешниот гол оваа сезона.

Трипл дабл број 10 за Никола Јокиќ сезонава и вкупно 86-ти во кариерата. Новата жртва е Кливленд, против кој Денвер славеше со 121:108. Со овие 28 поени, 15 скокови и 10 асистенции, Србинот стана само четврти играч кој успеал да постигне минимум 10 трипл дабл учиноци во шест сезони. Другите тројца се Вестбрук, Оскар Робертсон и Меџик Џонсон.

Сегашните резултати не го одредуваат статусот на ракометот како спорт во одредени земји. Тоа е Македонија. Единствената земја во екс Ју заедно со БиХ која немала репрезентативен медал и каде репрезентативците се слават како национални хеори, како никаде на друго место.

На 58-годишна возраст, почина прославениот италијански фудбалер и тренер Џанлука Виали. Во 2017-та година му бил дијагностициран тумор на панкреас. Виали важеше за еден од најголемите центарфори во '80-те и '90-те години.