Мишел Кука Мболадинга е фиксен во текот на сите фудбалски натпревари на Конго на Африканскиот Куп на нации. Целта му е една и единствена, а тоа е да му оддаде почит на Патрис Лумумба, првиот демократски избран премиер на Конго. Го сметаат за национален херој и глобален симбол на антиколонијалниот отпор, пред атентатот кој му го извршија во јануари 1961 година.

Да ги оставиме малку на страна Роналдо, Меси, како и мегаломанските фудбалски стории со милијарди. За крај на годината одиме со нешто наше, локално. Автентична селска идила со терен покрај куќи и борова шума. Фудбалот ги поврзува генерациите и создава силно чувство на заедништво.

Еден од најдобрите и најтрофејни кошаркари на сите времиња, Леброн Џејмс има низа рекорди во НБА. Тој денес полни 41 години и како никој пред него досега во историјата, не е така спремен и активен на таа возраст. „Кралот“ е роден во Акрон, во Охајо во 1984-та. Во НБА дојде директно од средно школо во 2003-та и сега ја игра неверојатната и рекордна 23-та сезона по ред!

Елиф Елмас стана втор Македонец кој освоил таканаречена триплета во италијанскиот фудбал, односно шампионско скудето, Куп и Суперкуп на Италија. Претходно тоа го стори нашиот најдобар фудбалер Горан Пандев. Елиф Елмас со оригинална слика покажа дека е спремен на сè за успесите на неговиот сакан Наполи.

Управниот одбор на ФФМ, на денешната седница, донесе одлука за покренување дисциплинска постапка против поранешниот претседател на федерацијата, Муамед Сејдини. Најавува и ревизија на едукативниот процес за носителите на тренерски лиценци, меѓу кои ќе се испитува и ПРО лиценцата на Игор Ангеловски.

Теренот е целосно обновен со нова дренажа, нов систем за наводнување и комплетно нова тревна подлога. Покрај тоа што е наметен за настап на екипи од првата лига, од федерацијата информираат дека теренот ќе биде во функција и за младинските репрезентации, а ќе служи и како база за тренинзи на сениорската  репрезентација.

Во ера на разгалени, размазени ѕвезди со розеви копачки и виолетови фризури, ретка е почитта која навивачите ја искажуваат за некој фудбалер. Даниеле Де Роси беше заменик капитен на Франческо Тоти и негов легитимен наследник во Рома. Ја чуваше „римската волчица“, се бореше како фајтер за неа секогаш и секаде. Сега се врати после долго време како тренер на Џенова. Јужна трибина го пречека импресивно.

Не паметиме првенство на кое еден ист играч успеал да даде два комада со најпопуларната акробација наречена „ножички“. Пишете ако знаете таков. Ајуб Ел Каби од Мароко си го направи тој ќеиф на Африканскиот Куп на нации, два пати во рок од една недела. Прво на отворањето против Коморските острови и сега пак против Замбија. Ел Каби беше двоен стрелец, а погоди и Брахим Диаз за победа од 3:0. Мароко оди во осминафинале.

Неодамна додека беше тренер на турски Фенербахче, после едно дерби со Галатасарај, некои будали се осмелиле да пробаат на Мурињо да му залепат етикета дека бил расист. Не пројдоа ни пар саати, Дидие Дрогба, Јаја Туре и плејада други африкански фудбалери застанаа во силна поддршка зад Мурињо. Жозе сега на гости во подкастот на Рио Фердинанд раскажа за анегдоти со нив.

Поминаа точно 30 години откако Панчев си замина од Серија А, после две и пол сезони минати во Интер. Ама не го заборавил италијанскиот. Со тенорот Благој Нацоски, кој живее во Италија, си фрлија на телефон малку муабет на тема фудбал.

Дваесет и три годишниот крилен напаѓач на шкотски Мадервил Таванда Машванисе не го знаел никој до пред некоја вечер кога за својот Зимбабве постигна прекрасен погодок на мечот против Јужна Африка. Имаше и смешна прослава на истиот гол кој конкурира за најубав на Африкански Куп на нации.

Во „дербито“ на дното во најтешката лига на свет, англиската втора позната како Чемпионшип, Чарлтон во 90+7' минута дава гол за израмнување 1-1 против Портсмут на гости. Навивачите во транс! После само неколку секунди домаќинот дава гол во 90+8' за победа 2-1. Навивачите во очај.

Ноќта во НБА лигата ја одбележа незгодната повреда на Никола Јокиќ, како и две страшни забивања. Едното е од Брендон Милер преку Кајл Кузма со дофрлање, а второто е од цепелин на Виктор Вембанјама.

Каков играч беше светскиот шампион со Бразил од 2002-ра, маестралниот легендарен фудбалер на Барселона покажува и неговиот богат домашен музеј со сувенири. Имаше почит од секого и секаде.

Денвер Нагетс се на маки. Се повреди најдобриот. Првичните прогнози не се добри.

Марио Касун, со кариера во Европа, имал кусо НБА искуство во периодот 2004-2006 во дресот на Орландо Меџик. Во 1 минута ќе ви раскаже со кои сè морал да се рова под кошевите. Ежење, ама за нас. За него страв. Дончиќ и Јокиќ го опишува со неколку збора.

Хрватскиот голман Матија Орбаниќ кој брани за турски Ерзурумспор на дуелот против Чорум кој го добиле 1-0 решил да се стопли со врел чај. На теренот минус степени, температура под нула.

Африканскиот Куп на нации е во полн ек. Се одиграа две кола. Брегот на Слоновата Коска и Камерун одиграа 1:1. Погледнете ја акцијава во два потези. Бекот одигра еден на еден во стилот на Роберто Карлос, а потоа му ја даде на тацна на Диало кој ја награди работата на својот соиграч на перфектен начин. Играчите трчаат на различни страни, коментаротот вика, публиката е во транс. Преубави сцени на најголемиот турнир во Африка.

Еден од највозрасните луѓе на светот, 104-годишниот воен ветеран од Втора Светска војна Доминик Крители, ја исполнил американската химна на дуел од најпознатата светска хокеарска лига НХЛ меѓу Ајлендерс и Ренџерс кој завршил 2-0.

Натпреварот меѓу Мерсин и Бодрум во турската женска прва кошаркарска лига имал и трето полувреме. Откако гостинките од Бодрум во последни секунди стигнале до победата со кош на крајот за 72:73, на паркетот избила општа тепачка. Најлошо поминала кутрата Ејдина Топчу на која и пукнале аркада па била пратена во болница на шиење и сега е во добра состојба.

Во ноември во Полска излегла биографијата на Роберт Левандовски во која имало многу интересни и еден несекојдневен детал - Барса барала од Роберт да не дава голови пред крај на сезоната 2022/2023 за да не мора да го плаќаат бонусот на Баерн Минхен.

Второлигашкиот фудбал од Турција го носи пеналот за заборав, како круна на сите импровизации и како за крај на годината. Многу лошо и несериозно, како Балотели да му е братучед.

ЛА Лејкерс го разби најслабиот тим во лигата Сакраменто Кингс 125-101. Лука Дончиќ маестрално стигна до 34 поени, пет скока и седума систенции за 22 минути на паркетот. Леброн Џејмс беше втор стрелец со 24 поени, три скока и пет асистенции. Имаше и сјајно забивање по одлична асистенција на Маркус Смарт без гледање.