Најдобриот светски тенисер на сите времиња според многумина, на прес-конференција на УС Опен изјави дека му е жал што АТП турнирот од Белград се сели во Атина, но наведува дека одлуката не била нивна желба, туку нужност поради околностите во кои се нашол неговиот брат Ѓорѓе, организаторот на овој познат тениски турнир.

Сезоната уште не почната и веќе го имаме новинарскиот гаф, кој ќе биде ненадминлив за 2025/2026 во Бундеслигата. Капитенот на Вердер, Марко Фидл застана да дава изјава откако неговиот тим загуби од Ајнтрахт со 4:1. Ама во дрес на голманот на победничкиот тим, Михаел Цетегер, со кој си ги разменија дресовите. Новинарката на Скај не само што не го препозна, туку и му честиташе за „триумфот“. Што и одговори Марко: Јас сум играч на Вердер ако не знаете.

По фантастичните 10 години во Тотенхем со одлични 173 гола, Сон Хјунг Мин на 6 август потпиша за Лос Анџелес за 26,5 милиони долари, што е рекорден трансфер во МЛС лигата. Првиот гол го дочека на својот трет настап, а тоа е против Далас, конечни 1:1. Ќе го памети.

Анхел Ди Марија летово се врати онаму каде што ја почна кариерата пред 20 години, а тоа е Росарио. Големото аргентинско дерби против Њуелс Олд Бојс го реши како во бајките, со еден од најјаките голови на кариерата. Ди Марија има 37 години, но држи форма и уште го држи страста за фудбал. Решавачкиот гол на средбата падна во 82-ра минута. Голчиште.

Фудбалерите на Арсенал испратија порака до сите ривали дека сезонава целта конечно им е да ја освојат толку сонувата шампионска титула. Тимот од северен Лондон со петарда го испрати новајлијата во Премиер лига Лидс Јунајтед во 2. коло од англиската Премиер лига. По два гола дадоа Јулијан Тимбер и најскапото засилување летово Виктор Ѓокереш, а еден даде и Букајо Сака.

И не само Германија, туку и цел навивачки свет кој ја виде кореографијата што навивачите на Унион Берлин ја спремиле за натпреварот против Штутгарт на отворање на новата сезона во Бундеслига. Фудбалерите им возвратија со победа од 2-1 и први три бода во сезоната.

На Баерн Минхен не им треба многу загревање и кога ќе им тргне, не знае човек на што е. Во прво коло го пречекаа Лајпциг и го испратија дома со 6 парчиња. После деби голот во Супер Купот против Штутгарт, Луис Диаз дебитираше со гол и во Бундеслигата, а уште два во прво даде Олисе. Предноста во вториот дел ја дуплираше Хари Кејн со три гола од 64-та до 78-ма минута.

Вест Хем и Челси петочки, одиграа ефикасно градско дерби со 6 погодоци во 2. коло од новата сезона. Голеадата почна атрактивно по само 6 минути игра, откако Лукас Пакета распали со левицата. Но, домаќините потоа се соочија со дебакл и примија 5 комада.

Димитар Бербатов остави силен белег на островот. За 9 сезони постигна 122 гола на сите натпреварувања, за Тотенхем, Манчестер јунајтед и Барнли.

За време на гостувањето на Словенија во Белград, очекувано суперѕвезда беше Лука Дончиќ кого новинарите и навивачите го следеа на секој чекор и го поздравија со огромен аплауз и овации. Лука коректно десетина минути им давал автограми на сите присутни деца, се сликал со нив и муабетел. А човекот од репрезентација задолжен да го чува Лука, не дозволуваше ни да го допрат, со цел да се сочува од какви било непријатни повреди.

„За мене Меси е најголем играч кој сме го имале во оваа игра. И двајцата се луди, ама Меси е малку поелегантен“, вели легендарниот германски напаѓач кој од Минхен се пресели во Ванкувер.

Тоше е цар. Тоа е општо познато. Беше пола репрезентација, а ја држеше и атмосферата. Духот му е таков, многу позитивен. Број 1 за хумор. Од 7 годишното живеење на море како играч на Задар и ПАОК, посакал да научи да готви морско. Снимкава е ланска, ама моравме да ја објавиме. Тоше во кујна кога пак ќе го видиме? Зошто им стави на ракчињата коњак? За да крцкаат и да бидат повкусни. Легенда.

Во баражот за пласман во Конференциска лига, норвешки Розенборг со 2-1 после пресврт го совлада германски Мајнц. Натпреварот се играл на стадионот „Леркендал“ во Трондхајм, дом на клубот Розенборг. Таму дошле околу 1.000 германски навивачи кои ги демолирале тоалетите кај гостинскиот сектор. Сега Розенборг му пратил сметка на Мајнц кој ќе треба да си подмири комплетно реновирање на тоалетниот јазол.

Битките меѓу Чикаго и Јута се омилени на многу генерации, незаборавни и недораскажани. Но пред тие две финални серии по ред, Булси имаа и едно соочување со Сиетл Суперсоникс предводен од дуото Шон Кемп - Гери Пејтон, а тренер Џорџ Карл. 4:2 завршија серијата. Не можеа да го сопрат.

Пријателската средба меѓу Србија и Словенија во белградска „Арена“ како последна подготовка пред Европското првенство 2025 ја следеа и многу големи и познати имиња од светот на кошарката.

Кој би рекол дека ќе налетаме на ваков подзаборавен лик, кој појма немаме каде е и што прави со фудбалската кариера? Денес да му било роденден на Федерико Македа кој полни 34, па по тој повод одиме со неговата мајсторија, а тоа е неговиот деби гол за Манчестер Јунајтед на само 17 години, на додавање на Гигс.

Во подкастот со старото добро друштво од Премиер лигата, Рој Кин пушти солза откако извади слика од родителите пред Вембли. Го тешеше Јан Рајт, кој инаку преклани седеше под нас на стадион на мечот Македонија - Англија.

Пред повеќе од 20.000 гледачи во белградска „Арена“ во генерална проба пред Европското првенство 2025 кое почнува на 27-ми август, Србија ја развали Словенија 106:71. Во публика беше и тренерот на Мајами Хит Ерик Сполстра кој го гледаше Никола Јовиќ, кошаркарот на Хит кој беше најефикасен стрелец со 18 поени. Богдан Богдановиќ постигна 14 поени, Милутинов 11 а Никола Јокиќ и Вукчевиќ по 10. Кај Словенците Дончиќ уфрли 18 поени.

Играч на Лос Анџелес Галакси го удри в лице својот чувар, за што судијата без размислување извади жолт картон, ама кога ѕирна на списокот дека веќе му дал еден, се пишмани. Уште ова го немавме видено.

Јагелонија го совлада Динамо Тирана со 3:0 во првиот плејоф меч од Конференциската лига. Македонскиот репрезентативец, Дарко Чурлинов, кој е под договор со тимот на Барнли, минатата сезона ја одигра на позајмица во полскиот клуб. Навивачите очигледно го бараат назад.

Шкендија направи огромен успех откако го совлада бугарскиот шампион Лудогорец со 2-1 и тоа после пресврт откако Бугарите поведоа 0-1 со гол на Дерој Дуарте уште во 17' минута. Прво Лиридон Љатифи постигна фантастичен гол од преку 30 метри од слободен удар и тој погодок сигурно ќе конкурира за најубав на колото во Лига Европа. Капитенот на Шкендија Бесарт Ибраими го постигна победничкиот гол во 60' минута за 2-1. Реваншот е следниот четврток во Разград во Бугарија.

Фиорентина ги реши сите прашања околу пласманот во групна фаза на Конференциска лига откако со 0-3 го совлада дебитантот во еврокупови, Полисја Житомир од Украина. Виолетовите имаат уште и реванш во Фиренца, а меѓу најзаслужните за триумфот беше голманот Давид Де Хеа кој бранеше феноменално.

Видеово е историја и магија од 1977-ма. Али стои во клинч и не се брани со раце, ама сепак ќе успее да се одбрани. Добро прочитавте, од 21 удар за 10 секунди, не прими ниту еден. Неверојатно.