Многу поранешни фудбалери кога ќе станат тренери знаат да речат дека е потешко да гледаш отколку да играш. Џовани Трапатони беше темперамент кој мислиш дека ќе влета во игра во секое време. Липи на времето со пурата стоеше како кип, а од место не мрдаше ниту Свен Горан Ериксон. Конте е Мурињо втор дел, па и бетер. Го снимиле во финишот од дербито Челси - Тотенхем.

Фудбалскиот свет е во шок. Пораките за изразување сочуство одат во Бразил кај семејствата на играчите на бразилскиот прволигаш. Според последните информации еден од четворицата фудбалери кои ја преживеаа авионската несреќа починал во болница. 

29 ноември 2016-та за фудбалот и спортот ќе остане црн датум, бидејќи животот го загубија скоро цел тим на бразилскиот прволигаш Шапекоензе на пат кон нивното прво финале. Последната трагедија од волкави размери во спортот се случи во Габон пред 23 години.

Септолете тотал му врачи признание на тренерот на КК Работнички за неговиот придонес во развојот на кошарката, за користење на моќта на грлото за унапредување на разбирањето за потребите на кошарката и поттикнување на младите генерации да го засакаат овој комплексен спорт.

Шапекоензе е клуб којшто неверојатно напредувал во последните седум години и од бразилската четврта лига стигнал до финалето на едно од најголемите натпреварувања во светот на фудбалот, Копа Судамерикана. За жал, бајката на оваа симпатична екипа заврши трагично.

Шапекоензе на 23 ноември испиша фудбалска историја откако во двомеч го мина Сан Лоренцо и за прв пат се пласираше во финалето на Копа Судамерикана (пандан на Лига Европа). Дома одигра 0:0, а на гости 1:1. Немаат титула во бразилската прва лига каде се пласираа во 2014-та, по пауза од 35 години.

Авион со 81 патник и членови на посадата којшто патувал од Боливија кон Колумбија се срушил близу Меделин. Во авионот бил бразилскиот прволигаш Шапекоензе кој патувал на финале од Копа Судамерикана. Пет преживеани.

По потрага по барем близу достојна замена за незаменливиот Фергусон, кој се препотува од мака кога ги гледа од вип ложата, Црвените ѓаволи по Мојс и Ван Гал, беше сосема логично спасот да го бараат во Жозе Мурињо. Но не оди и не оди.

Во големата петорка на европскиот фудбал (Англија, Шпанија, Франција, Германија и Италија) Македонија има тројца претставници и сите играат во Серија А. Имаме 29 фудбалери ширум Европа. Бразил е прв по извоз.

Џовани Симеоне (21) во неделата беше играч на натпреварот Џенова - Јувентус кој заврши 3:1. Таткото на Џовани, Диего Симеоне на 1.април 2000-та година со гол со глава му донесе победа на Лацио против Јуве на „Деле Алпи“, а подоцна Лацијалите ја освоија титулата.

Иако е селектор на Македонија и тренер на Металург, Лино Червар ниту една буква не го асоцира со нашиве ракометни простори каде е укотвен 7 години. Нејсе. Има што да се прочита во интервјуво. Доктор е за ракомет, учител за младите и човек кој работите ги анализира длабоко и суштински.

Роден на 15. декември 1996 година, младиот Украинец Олександр Зинченко беше член на Шахтјор Донецк, а потоа замина во рускиот тим Уфа. Во јули годинава Сити го купи и во август го позајми во ПСВ Ајндховен каде Украинецот потсеќа на Меси.

Во страшниот воен виор, оној религискиот, во Нигерија секојдневно гинеле многу христијани и муслимани меѓу кои и родителите на Виктор Мозес. Тие биле убиени кога нивниот син имал само 11 години.

Во 116-годишната историја на тенискиот Дејвис Куп, Аргентина одигра пет финалиња и синоќа за првпат ја крена познатата „салатара“ како најдобра тениска репрезентација на светот. Херој на Аргентинците кои по првите два дена губеа 2:1 беше Хуан Мартин дел Потро кој со скршен прст го победи Марин Чилиќ после пресврт. Аргентинците ја исполнија Арената во Загреб и навиваа како на фудбалски натпревар.

Голот на Меси синоќа во второто полувреме ја спаси Барселона од нов пораз во Сан Себастијан, место каде Каталонците не знаат за триумф повеќе од една деценија.

Аласан Плеа е стрелец број 1 во Ница со 8 голови, два повеќе од Балотели. Тој погоди и синоќа против Бастија, но проблемот е што гостите во второ полувреме израмнија, а 23 годишниот француски напаѓач не смееше да си дозволи вакво нешто на три минути до крај. Монако и ПСЖ сега им дојдоа на -1.

Македонскиот вицепрвак ја забележа и втората победа во серија во рамките на Лигата на шампионите и му врати на Татран Прешов за поразот во второто коло.

Во рамките на осмото коло од Бизнис Лигата на Македонија можевме да проследиме седум натпревари. Ова коло во брз и отворен фудбал можевме да проследиме натпревари кои беа напаѓачки ориентирани.

Во Англија одењето на стадион е како семејна традиција со години, ама мајкава со овој памет ептен ќе заврши работа во воспитyвањето на децава кои го бодрат третолигашот Милвол. Плус веројатно таткото е џандар.

За чуварот на голот на Ливерпул на Википедија пишува: Лорис Кариус е професионален голман од Германија кој брани за Ливерпул. Човек да не го знаеше немаше да поверува дека голман од лидерот во Премиер лигата кој денеска го совлада Сандерленд со 2:0, може да направи ваков аматерски потег.

По триумфот на тешкиот гостински терен во Манхајм од шест гола разлика, ракометарите на Вардар немаа сили за уште една победа и потклекнаа пред своја публика на реванш дуелот со Рајн Некар.