Како што наведува АФП, шест лица го преживеале падот на авионот, меѓу кои четворица членови на фудбалскиот тим: играчите Данило, Џексон Фолман и Алан Рушел, масерот на екипата, плус новинарот Рафаел Хензел и член на екипажот стјуардесата Химена Суарез. За жал, еден од преживеаните, голманот Данило подоцна во болницата им подлегнал на повредите.
Во авионот имало 81 човек: 72 патника (48 луѓе од фудбалскиот клуб, 21 новинар) и 9 членови на екипажот.
Шапекоензе во моментов го зазема 9. место во првенството на Бразил и тимот летал на првиот меч од финалето на Копа Судамерикана (пандан на Лига Европа) кое што е второ по ранг натпреварување во Јужна Америка после Копа Либертадорес. Во Меделин, Шапекоензе требаше да се сретне со Атлетико Насионал на 30 ноември. За жал, авионот се срушил на помалку од 50 километри од аеродромот каде требал да слета.
Спасувачките екипи веќе ги евакуирале преживеаните од местото на несреќата. Авионот модел „Аероспејс 146“ полетал од Сао Пауло во Бразил, имал едно слетување во Санта Круз де ла Сиера во Источна Боливија од каде што се упатил кон Колумбија, но се срушил близу Меделин, вториот најголем град во Колумбија.
#ATENCIÓN
— MiOriente (@MiOriente) November 29, 2016
Policía rescata un nuevo sobreviviente de la tragedia área en La Unión. pic.twitter.com/pZ8Hk4vbeN
Со истиот авион овој месец патувала и аргентинската фудбалска репрезентација.
„Изгледа дека снемало гориво во авионот“, рекол Елкин Оспина, градоначелник на градот во близина Ла Чеха.
Еден од преживеаните, Алан Рушел (27) постирал фотографија од авионот:
Моментот пред авионот со фудбалерите и останатите патници да полета од Колумбија:
Momentos antes que los jugadores y el equipo de Chapecoense tomaban su vuelo hacia Colombia: pic.twitter.com/2NfAhRgM8Z
— Andres Felipe Arcos (@AndresFelipe) November 29, 2016
Фудбалскиот тим Шапекоензе е бразилски прволигаш којшто во среда требаше да го одигра првиот меч од финалето на Копа Судамерикана против Атлетико Национал од Меделин. КОНМЕБОЛ, Јужно-американската фудбалска федерација ги откажала сите натпревари и активности.
Според непотврдени информации меѓу преживеаните патници во авионот којшто се срушил во Колумбија има четворица членови на фудбалската екипа: До сега колумбиските медиуми информираа дека преживеани се дефанзивецот на Шапекоензе Алан Рушел и голманите Данило (31) и Џаксон Фолман, како и еден физиотерапевт на екипата.
Колумбиските медиуми пишуваат дека во авионот се наоѓале и функционери на клубот, вкупно осуммина, тројца гости на клубот и 21 новинар. Во авионот имало 22 фудбалери: Данило, Фолман, Хименес, Денер, Алан Рушел, Карамело, Марсело, Фелипе Мачадо, Тиаго, Нето, Жосимар, Жил, Серхио Маноел, Матеус Битеко, Клебер Сантана, Артур Маија, Кемпес, Ананијас, Лукаш Комеш, Тиагуињо, Бруно Ранхел и Канела.
„Ова е неверојатна трагедија од огромни размери“, додава градоначелникот на Меделин Федерико Гутиерес.
Momento donde se pierde contacto radar con la aeronave que transportaba al equipo Chapecoense. pic.twitter.com/C59eXyOoEZ
— Andres Felipe Arcos (@AndresFelipe) November 29, 2016
Последната фотографија од тимот Шапекоензе:
