Манчестер Јунајтед – Арсенал 1:1, Манчестер Јунајтед – Вест Хем 1:1. Тоа се нивните два последни резултати на Олд Трафорд. Два гола на два меча пред своја публика е беда за тим со Ибрахимовиќ, Руни, Погба, Мата, Рашворд, Марсијал кои треба да дробат.
Тимот на Мурињо има 5 победи, 5 нерешени и 3 порази, а пред нив на табела се Тотенхем, Арсенал, Манчестер Сити, Ливерпул и лидерот Челси кој им бега 11 бода. Неочекувана слика на славниот премиерлигаш прикажана низ 7 наслови или факти:
- Манчестер Јунајтед не успеа да победи на 4 првенствени меча по ред на домашен терен за прв пат по 1990 година.
- Манчестер Јунајтед го има најлошиот старт по 13 кола во ерата на Премиер лигата.
- Жозе Мурињо рогна шише на сред натпревар.
- Жозе Мурињо се соочува со два меча суспензија по вториот добиен црвен картон овој месец.
- Жозе Мурињо има повеќе црвени картони на Олд Трафорд во првенството, отколку победи на домашен терен.
- Погба доби жолт картон за глума на дуелот против Вест Хем.
- Манчестер Јунајтед немаат среќа и нивната трка за титулата е завршена. (анализа на БиБиСи)
И една фина вест, но тука се брои и Сити.
-Ниту еден тим од Премиер лигата нема победа во Манчестер од септември.
